Dizionari de Lenghe Furlane

gaudie  /gàu-/  gau|di|e  [CO]

1. s.f. sensazion o stât interiôr di cui che al è une vore content:  tal gno cûr, chê glagne di lûs e veve bielzà dismot chê gaudie, chê consolazion, chê gjonde che tant o varès voie di vê ancje cumò. (Alessandro Perabò, L'Unvier de mê zoventût)
   Sin. apaiament , beatitudin , complasiment , consolazion , content , gaiosetât , gjonde , gjoldude , glorie , gust , legrecûr , ligrie , pâs , plasê² , serenitât , sodisfazion , felicitât
2. s.f. (meton.) ce che al fâs stâ content:  "Vignìn al rapuart cu la lenghe furlane, gaudie e torment?" "Gaudie, parcè che o vin tacât a produsi filmâts in marilenghe tant prime che e rivàs la leç 482 [...]" (David Zanirato, Interviste cun Claudia Brugnetta, tra cine, Rai e lenghe furlane)
   Sin. consolazion , content , felicitât , gjonde , glorie , gust , legrece , legrecûr , plasê²

Proverbis:

• cuant che al è gaudie, gaudie; co al è tribule, tribule