ligrie
/-grì-/
li|gri|e
[FO]
-
s.f.
il vê o il dâ umôr legri, contentece vive e lizere:
il Carnevâl al veve metût sbrendui e ligrie aduès ae zoventût dal borc, che si bandonave a matetâts (Maria Forte, La cotule di none Betilde);
il frut, lôr fi. Vê un frut, Signôr, al è un miracul: di deventâ mats di ligrie! (Dino Virgili, La aghe da pît la cleve);
ce vite che si mene, no une ore di ligrie, no une peraule di bontât, di afiet (Pieri Somede dai Marcs, Gnot di Nadâl);
[par comprâ goloseçs] no si trate di fam: si trate di dâi ligrie al stomi (Meni Ucel, I colaçs);
e la ligrie e je dai zovins / e no dai vecjos maridâts. / E le àn pierdude biel lant a messe / e in chê dì che a son sposâts (Popolâr, E la ligrie);
volìn gjoldi la ligrie / fra nô zovins che nô o sin; / sunarà la Ave Marie / dopo muarts che nô o sarìn (Popolâr, Volìn gjoldi)
Sin. bontimp
, bon umôr
, contentece
, felicitât
, fraie
, gaiosetât
, gjonde
, gjubialitât
, glorie
, legrece
Var. alegrie
, aligrie
-
s.f.
spec. tal pl., celebrazion, manifestazion di fieste:
dutis lis ligriis che si fasin in chês vilis par un predi gnûf (Josef Marchet, Lis predicjis dal muini);
fatis chestis voris, i invidâts e àn inmaneade une grant ligrie, sunant e cjantant (Alan Brusini, Amîs come prime)
Sin. fieste
, fraie
Polirematichis e espressions idiomatichis
Proverbis:
- a spandi vin, ligrie
- cui che al à pâs, ligrie e amôr, dongje dal fogolâr al è un siôr
- daspò di une grande ligrie e ven une grande malinconie
- e vâl plui une ore di ligrie che no cent di malinconie
- la ligrie bisugne fâle in famee
- la ligrie e fâs armonie
- la ligrie nol è aur che le pai
- par une dì di ligrie si 'nd à cent di malinconie
- uciel pal aiar al cjante di ligrie, uciel in scjaipule al cjante di passion