glorie
/glò-/
glo|ri|e
[AF]
-
s.f.
onôr straordenari otignût par capacitâts e merits ecezionâi:
[la puare int] e pense a la vite, a la famee, al lavôr. I grancj, invezit, a pensin a la storie e a la glorie (Riedo Pup, Vitoriis e batostis);
mi vevin puartât vie fin une spade, / che o tignivi in memorie / di un mio antenât, vuerîr di imense glorie (Pieri Çorut, Une gnove citât in Friûl)
Sin. celebritât
, nomee
-
s.f.
ce o cui che al è reson di svant, di braùre:
lis oparis di art che conservìn cun tante cure jenfri chescj mûrs e che son la glorie e la ricjece dal convent (Zuan Lurinçon, La Madalene);
nol à stât tant a dâsi a cognossi par un dissegnatôr maestri e di bon gust, onde chei di Cividât lu calcolavin za par une glorie gnove del paîs (Giovanni Gortani, Trê Rafaei in jerbe)
-
cui che si è fat onôr intune cierte ativitât:
la consulence storiche e je afidade a dôs gloriis de culture locâl, Mino Blason e Berto Fabris (Laurin Zuan Nardin, La fuartece mai domade)
Sin. celebritât
-
s.m.
[TS]
lit.
preiere cristiane che e rint graciis a Diu tes personis dal Pari, dal Fi e dal Spiritussant
Var. gloria
-
gran dal rosari che al corispuint a chê preiere:
fâ cori i gloriis tai siei dêts (Maria Forte, Cjase di Dalban)
-
imni che si cjante te prime part de messe, che te Sabide sante si compagne cul sun des cjampanis:
cuissà parcè ancjemò, nol sune glorie (Pieri Somede dai Marcs, Resurezion a Pontinie);
tal moment dal Glorie ducj nô fruts o lavin devant dal presepi cul predi che lu incensave (Marta Vezzi, Il Nadâl di îr tes peraulis di Gjeme, par rifleti su chel di cumò)
-
s.f.
cundizion di beatitudin, di gracie concedude di Diu, ancje in espression di rispiet fevelant di cui che al è za muart:
pre Scjiefin […] al dîs la sô messute cun cuatri peraulis su la glorie dal paradîs (Josef Marchet, Lis predicjis dal muini);
mê mari, puare femine, che Diu le vedi in glorie, che e je stade une vore comandadorie e zelose di me (Roberto Ongaro, Cretevierte)
-
s.f.
ancje tal pl., cundizion di contentece beade:
al veve mandât a cjase une casse di bêçs cuntune letare a sô mari, dulà che i diseve, che la vuere i veve fat bon pro e che al ere deventât un grant siôr. Jê, dute in glorie, e butà vie la vore e si metè a spietâlu (Catarine Percude, Il cjan blanc di Alturis);
ur presentà une pladine di jote che e fumave la anime, cun cierts fasûi dentri, tenarins tenarins, che Sant Pieri al lave in glorie a mangjâju (Luigi Gortani, La ospitalitât);
il plevan al è tes sôs gloriis e al benedìs cheste biele ocasion (Costantino Smaniotto, Co l'amôr al cimie)
-
s.f.
situazion o manifestazion sflandorose di alc o di cdn.:
une Viarte in rose, come un meracul te glorie dal soreli (Dino Virgili, La aghe da pît la cleve)
Polirematichis e espressions idiomatichis
Proverbis:
- cuant che no si rive a dî: "glorie di Diu!" al è finît dut
- ducj i salms a van a finîle in glorie
- nissun nol vîf di glorie