Dizionari de Lenghe Furlane

gust  gust  [FO]

1. s.m. facoltât che e permet di sintî i savôrs:  il rafredôr mi à fat pierdi il gust (Giulio Andrea Pirona, Novo vocabolario friulano)
2. s.m. sensazion dade di ce che al ven in contat cu la lenghe:  l'inzirli de cjoche, il gust dal tabac che al impastave la bocje (Cristina Noacco, Faliscjis); la aghe de Fontane dal Diaul e lave preseade propit par chel so gust di solfar (Mario De Apollonia, Il timp par ledrôs)
   Sin. savôr
3. s.m. (fig.) sensazion dade di alc cui siei detais, cu lis sôs carateristichis:  a cerçavin il gust de bondance e de libertât (Alan Brusini, Come tai romançs)
   Sin. savôr
4. s.m. il vê plasê tal mangjâ e tal bevi:  no mangjave plui cul gust di prime e al pareve che e vivès simpri sot teme di alc di mâl (Maria Forte, Dome la cjampanute di Sant Bortul)
5. s.m. (fig.) sensazion di plasê in gjenerâl:  la mari de nuvice, e cjalave e e vaìve: no saveve se di gust o di dolôr, par chê sô fie che e lassave la famee (Roberto Ongaro, Il muc); no volevi dâi il gust a chei cuatri socis di ridimi daûr (Pieri Somede dai Marcs, Lis scuelis e la nêf); ce gust a poiâsi inta chê frescure, a fâ polsâ lis gjambis infurmiadis (Gianni Gregoricchio, Trê feminis); "Oh, dotôr, ce gust di viodilu. Che al vegni, che magari, mi da un consei" (Alan Brusini, Gian Paolo Linda, I forescj)
   Sin. plasê²
6. s.m. (fig.) spec. tal pl., maniere personâl di viodi e preseâ lis robis:  nol discuteve mai lis decisions e i guscj di chei altris, par vie dal so mût di fâ tolerant e no impulsîf (Carlo Sgorlon, Il dolfin); ce che al veve studiât, l'ambient che al veve vivût, la cognossince de vite, il dolôr so e di chei altris a vevin tant cambiât la sô anime, il caratar, i siei guscj (Pieri Menis, Sul agâr); afermazions fuartis, masse fuartis pai miei guscj (Sergio Cecotti, Teologjie algjebriche)
   Sin. preference
7. s.m. (fig.) sensibilitât estetiche:  sô cugnade no je buine di vistîsi cuntun fregul di gust, si ben che e spint une monede a cjolisi peçots (Josef Marchet, Lis predicjis dal muini)
   Sin. elegance
8. s.m. (fig.) maniere di intindi la estetiche daûr di une scuele artistiche o leterarie:  li dentri la mubilie e denunziave un gust dal votcent (Nadia Pauluzzo, Il bintar)
   Sin. forme , maniere , mode , stîl¹ , trat

Polirematichis e espressions idiomatichis

• a so gust loc.av.
• cjapâ gust loc.v.
• dâ il gust loc.v.
• par gust loc.av.
• piâ gust loc.v.
• vê gust loc.v.

Proverbis:

• al è plui gust a fâle che no a mangjâle
• cui che plui al sa al à plui gust di imparâ
• ducj i guscj a son guscj
• ducj i guscj a son guscj, al diseve il gjat che si lecave il cûl
• ducj i guscj a son guscj, e diseve la gjate di Aquilee
• la cjar cul lavâle e piert il gust
• mangjâ a gust so e vistîsi a gust dai altris
• mangjâ a mût so e vistî a gust gno
• no si po vê il gust cence la dulie
• se si vûl vê un gust, bisugne paiâlu