savôr
sa|vôr
[FO]
-
s.m.
sensazion dade di ce che si mangje e di ce che si sint cu la lenghe:
al veve indolcît il cafè; infin, cu la bocje plene di aghegole, lu veve bevût, pacjant tal ultin par che i restàs in bocje chel bon savôr (Franca Mainardis, Aiar di cjase);
la lidrîs mestre [dal cren] si dopre crude gratade fine par fâ une salse sauride di compagnâ cun cjar bulide e no tant fuarte di savôr (Giorgio Pascoli, Il Litum: jerbis salvadiis te cusine);
i luvins a deventarin une plante salvadie, mare di savôr, cence sostance (Catarine Percude, La maledizion dei luvins)
Sin. gust
-
s.m.
(fig.)
impression fate di une cierte esperience, persone, robe e v.i.:
chês robis antighis che a vevin il savôr de maravee, la scuvierte che i fruts a fasin dal mont (Alan Brusini, Par stradis lungjis);
Zuan al comprà altre tiere dai Zanins. Ogni an un cjamp gnûf; ma, a pene so, al jere come se al ves mudât savôr (Maria Forte, La tiere di Lansing)
Sin. gust
-
s.m.
(fig.)
complès dai aspiets che a caraterizin alc o cdn., che lu fasin jentrâ intune cierte categorie, che i dan une cierte identitât e v.i.:
"O dîs - al sentenzie une volte pre Checo cuntune espression di savôr biblic - che il malan e la disgracie che a vegnin te storie une vore di voltis nol è mâl: al è un ben che al vignarà fûr dopo…" (Gian Carlo Menis, Pre Checo e la storie);
lis televisions a assegnavin ae lenghe furlane un puest margjinâl tal lôr menù di servizis, simpri che le doprassin, par contignûts di savôr localistic (Adrian Cescje, Memoriis di politiche linguistiche)
Sin. gust
, stîl1
, ande
, fate
-
s.m.
(fig.)
cualitât di ce che al è vîf, ferbint, interessant e v.i.:
zovins cussì discompagns dai contadinots cence spirt e savôr che e veve cognossût fin in chê volte (Maria Forte, Cjase di Dalban);
si sa che tra parincj lis rifis e i svindics ti àn plui savôr (Alan Brusini, Come tai romançs);
cuant che si fâs un compromès fra ce che si è e ce che si varès di jessi, e rive timp o tart la muart, si smamìs dut, al piert savôr dut (Francesc Placerean, La Glesie e à di lassâ i popui come che a son e fâur di levan seont la lôr paste)
Sin. anime
, calôr1
, vivôr
, gust
Proverbis:
- amôr al à un grant savôr
- cjar lavade e piert il savôr
- cui che al vûl savê masse al sa di chel savôr che mi capîs
- di chel len al è, di chel savôr al sa
- e je la ultime gote chê che a lasse il savôr in bocje
- il vin si lu cognòs tal savôr e il pan tal colôr
- la bote e da di chel savôr che e à
- la fam i da bon savôr al pan
- ogni plat il so savôr, ogni man il so lavôr
- passât il glotidôr, passât ogni savôr
- sore sâl nol è savôr, sore diu nol è signôr
- studât il lusôr a àn ducj chel savôr