anime
/à-/
a|ni|me
[FO]
-
s.f.
principi imateriâl de vite, definît cun concets o proprietâts diviersis daûr des religjons o des interpretazions filosofichis(i derivâts tant che animute, animate e v.i. a àn lis variantis anemute, anemate e v.i.):
i tiermins anime e spirt, dispès, a son tratâts sul plan metafisic tant che se a vessin il stes significât (Fabian Ros, Spirt, anime e cuarp);
domandâ jutori pes animis purgantis midiant cetancj rosaris di almancul cuindis stanziis (Ivano Urli, I spirts);
par deventâ siôr, o darès la anime al diaul! (Roberto Ongaro, Cretevierte)
Cfr. spirt
-
s.f.
(fig.)
persone, definide daûr de sô nature spirituâl e morâl:
o disarai ogni sere il rosari pal ben di chê anime che nus à fate cheste buine azion (Josef Marchet, Lis predicjis dal muini);
"E cui podevie volêi mâl a chê anime inocente!?" (Laurin Zuan Nardin, Il cop)
-
s.f.
part plui intime de cussience, dai sintiments, dal pinsîr:
tal plui biel però di chei siums, dal fonts de sô anime, si jevave sù une fumate, un presintiment (Pieri Menis, Sul agâr)
-
s.f.
tant che espression di afiet, in cualchi câs ancje di dûl, par une persone che si vuelii ben:
il gno tato la mê anime, tu, la mê lûs! (Meni Ucel, Tirâ sù fruts);
ma tu tremis, anime, tu brusis ancje [di fiere] (Carlo Tolazzi, La salamandrie tal fûc)
Sin. ninin
, stele1
, vite
, vissare
, cûr
, curisin
-
s.f.
persone, spec. te indicazion dal numar di personis che a vivin tun puest:
i paîs plui grues, come Cividât, Glemone, Sant Vît o Sacîl, a podevin vê, rive e no rive, trê mil animis (Josef Marchet, Cuintristorie dal Friûl fin sot la Italie)
Sin. abitant
, individui
, persone
-
s.f.
in frasis negativis, nissun:
intant e rivin ai Rivui Blancs, intun vêr desert, ne par disot ne par di sore no si viôt une anime a zirâ (Giovanni Gortani, Il viaç di Vidisson);
par trois e boscs vignivi jù a Clausêt / che la zornade jere sul finî, / lis fueis colavin, scomençave il frêt / e no passave une anime par li (Enrico Fruch, Cimiteri di vuere)
Sin. anime vive
, anime vivente
-
in frasis negativis, nuie:
la aghe nere, là jù, no veve anime di lûs parentri (Dino Virgili, Il cûr te tiare)
-
s.f.
element o complès di elements che a dan vivôr, identitât, che a caraterizin e v.i.:
la lenghe e je la anime di un popul (Massim Duche, Furlan a scuele: ce faliment!);
il Moviment dal inizi al veve plui animis ideologjichis, e ognidun al veve il so plan di azion, o al crodeve di vêlu (Adrian Cescje, Tal non di Fausto Schiavi);
gjoldisi la anime di une citât (Checo Tam, Il palaç)
-
s.f.
cui che al da plui snait, plui vite a alc:
ven a stâi che lui al è la anime di un cjap di zovins eretics, anarchics, austriacants (Pieri Piçul, Vieri e gnûf);
[Josef Marchet] par agns al è stât la anime dal sfuei autonomist "Patrie dal Friûl" e al à direzût la riviste "Sot la Nape" (Roberto Iacovissi, Pre Bepo Marchet)
Sin. animadôr
-
s.f.
partecipazion emotive:
ni puartavi dentri lis esperiencis dal gno impegn politic e i boreçs de bataie feministe. Se ju ai vivûts cu la anime! (Gianni Gregoricchio, Trê feminis)
Sin. calôr1
, sintiment
-
s.f.
part interne di un ogjet:
nomina de lis parts del fusîl: […] la cana; d[…] la bocja de la cana; […] la anima de la cana (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera);
la anime dal boton (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Cfr. animele
Polirematichis e espressions idiomatichis
Proverbis:
- a Pasche Tafanie, il râf al piert il cûr e la anime
- cuant che il cuarp al si frolìs, la anime a si pintìs
- cuant che la cjar e devente fruste, ancje la anime si juste
- cuarp passût, anime consolade
- la femine e je il paradîs dal cuarp, il purgatori de borse, l'infier da la anime
- lis feminis a son il paradîs dal cuarp, il purgatori de borse e l'infier da la anime