individui
/-vì-/
in|di|vi|dui
[AF]
-
s.m.
organisim vivent calcolât te sô singolaritât, distint di ogni altri
-
[TS]
biol.
ogni organisim animâl o vegjetâl che nol pues jessi dividût cence che si pierdin lis sôs carateristichis struturâls o funzionâls
-
s.m.
la persone te sô singolaritât:
al covente di previodi normis di dirit "coletîf" e no di sempliç dirit "personâl"; di fats l'individui al fevele une lenghe par vie che al aparten a une comunitât (Adrian Cescje, Memoriis di politiche linguistiche)
Sin. singul
-
s.m.
spec. spres., persone cun carateristichis negativis, che no merete fiducie:
o vevi capît a colp che al jere un individui impastât di bausiis e di ingjans, che al passave la vite a inventâ businôrs e sunsûrs fals (Carlo Sgorlon, Il dolfin);
lis varès racomandadis che a tignissin i fruts tacâts tes cotulis, lontans de cjase di "chel individui li" che - aromai la facende e jere clare - "a chest pont, al veve di sei sigûr ancje un pedofil" (Antescûr, L'om misteriôs)
Sin. anime
, imprest1
, scampul