imprest1
/-è-/
im|prest
[FO]
-
s.m.
ogjet che al covente fâ alc, par lavorâ, par fâ altris ogjets:
un buinç, e doi cjaldîrs, / un pestel, e sîs taîrs / doi bocâi, e trê cjalderiis, / e chel imprest, cu fâs rustî lis bueriis (Ermes di Colorêt, I, 183);
al jere un banc di marangon, e di une bree inclaudade ae parêt a pendolavin imprescj di ogni fate (Carlo Sgorlon, Prime di sere)
Sin. strument
-
(fig.)
cualsisei robe, ancje imateriâl, che e covente par rivâ a un risultât:
lis lenghis locâls a son imprescj par trasmeti valôrs, sens di apartignince e identitâts culturâls (Mario Dutto, Scuelis di cualitât e lenghis di minorance. Une riflession su la lenghe furlane intes scuelis);
al reste di sclarî […] se la radio e jere, o si voleve che e fos, un imprest di pression politiche o pûr un imprest "de politiche". (Max Mauro, Un Friûl difarent: i 90 mhz di Onde Furlane)
-
s.m.
(estens.)
ogjet gjeneric, in gjenar di pôc valôr o cun cualchi carateristiche negative:
l'imprest [la radio] al à tacât a sgrasaiâ, a ronâ, a sivilâ, a craçâ, a vuicâ […] (Josef Marchet, Lis predicjis dal muini);
o podês meti vie chei imprescj [lis armis], tant o viodês che o soi di bessôl e no ai armis (Pieri Menis, Sul agâr)
Sin. afâr
, catan
, cjosse
, facende
, grabat
, grabatul
, intric
, intrigatori
, inzen
, naine
, robe
, robul
, stoc1
, strieç
, tananai
, tatare
, tatareç
, trabacul
, traine
, trapul
, truc1
, cjossul
-
s.m.
(fam., spres.)
persone pôc di sest:
Un an al capità cuntune femine. […] Jê si sentave in bande di lui cence fâ nuie, cui voi che no cjalavin. […] Tal prin la int si interessà. - Dulà vevial sburît fûr chel imprest? (Maria Forte, Il bal spisimât des ombrenis)
Sin. cancar1
, clostri
, toc di coni
, strafaniç
, implant
Proverbis:
- nol è imprest che timp o tart nol vegni impâr
- orlois, gorletis, feminis e bicicletis a son imprescj di no imprestâ