stoc1
/-ò-/
stoc
[CO, TS]
-
s.m.
arm.
spade tarde medievâl cun lame di sezion triangolâr o cuadrangolâr, cence tai, une vore spiçade, par ferî dome di ponte:
un dai doi […] i fracà un stoc tal flanc. Tal stes moment ancje chel altri si jevà e al començà a pugnalâlu te schene (Gianluca Franco, Re Ricart in Friûl)
-
colp dât cu la ponte di chê arme, o ancje di une altre arme blancje:
la Cavaleria scomençà a snudâ lis spadis e a menâ colps e stocs disperâts (Zuan Luîs Filli, Il grant citadin)
Sin. stocade
-
viôt baionete
:
batisi (fâ fenta!) a arma blancja, ven a stâi, a "stocs in cana" dal sclop (Ovidio Colussi, Il pilustrât)
-
s.m.
zûcs
tal zûc di balis, bale gruesse, doprade par bati cun fuarce e parâ vie lis balis za zuiadis o in câs ancje il balin
Sin. sbocj
-
tîr fuart fat cun chê bale:
ducj mi sorin, jo frem, o deliri, / pâr che scjampin dal piç lis burelis, / non vâl stoc (Toni Broili, I trucs furlans 1847)
Sin. stocade
-
s.m.
colp o sburton dât cu lis mans, cui comedons, cu lis spalis e v.i.:
a i à dât un stoc, al la à mandada a gjambis jevadis (Nelso Tracanelli, Pre Pieri)
Sin. stocade
-
at o mot fat cun empit:
cu un ultin stoc desperât / me presente / denant al tribunâl / par eisse judicât (Federico Tavan, Ancj jo e ven jù)
-
s.m.
bachet o cjane di plante taiade:
i stocs di soreâl a furnivin un sostegn aes diviersis culturis (Nella Costantini, Manuela Quaglia, L'ort di une volte: une storie dal Friûl)
Cfr. spiron
, sponton
-
s.m.
agr.
pît di blave, o in câs di soròs o altris grans, che al reste dopo taiade la gjambe
Sin. clari
, coni
, stec
, stecon
, bersoli
, scjatoc
, scjaton
, mussul3
, steule
, stronc
, stecaron
, stecarot
, stecheot
, scjatùs
, poc2
, cjanoli
, civoc
, torcjoli
