Dizionari de Lenghe Furlane

sponton  /-òn/  spon|ton  [CO, TS]

1. s.m. artes. imprest cuntune ponte spiçade di metal, par fâ busis:  [l'ombrenâr] al meteve vie, ben planc, rochei e fuarfis, spontons e furducjis, muelutis e britulins (Maria Forte, Il bal spisimât des ombrenis); sul bancut, dongje la pipe, un grum di argagns [di cjaliâr]: martiel, bruschin, trade e tocuts di cere, stranset, sponton, suble... (Lucia Scoziero, Rico, il cjaliâr)
2. s.m. sorte di baston no tant lunc, un pôc spiçât, par sponzi o par dâ jù aes bestiis e parâlis indenant
   Sin. stombli
3. s.m. [TS] arm. arme medievâl e moderne, pal plui difensive, formade di une aste di len, lungje pal solit un pâr di metris, cun insom une ponte di metal, che cualchi volte e veve te base dôs alis che a devin infûr:  cui da di man ae forcje, cui al sponton, / cui uce lu roncon, e cui la spade (Ermes di Colorêt, I, 255); e popul solevât che al si rivolte / cun stocs, cun spiçs, cun spêts e cun spontons (Zuan Josef Busiç, Zuan Batiste da la Puarte, La Eneide di Virgjili)
   
   1. aste cuntune spice di metal doprade une volte di daziârs o vuardiis, ancje par impirâle in cjamis di fen par viodi che nol fos cualchi cuintribant
4. s.m. spice di cret:  Norine si vicinà a chel cretùs, un sponton grês di piere e di muscli, coronât di faiârs e di frassins (Domeni Zannier, La crete che no vai)
   Sin. spiron , spiç , spice
5. s.m. stec, bachet che al da infûr:  un precipizi neri e scûr, font, al fâs tramâ, plen di crets, plen di çocjis, plen di spontons (Stefano Morandini, Purgatori - Contis di 'Sef Mulinâr)
   Sin. spiron
   Cfr. stoc¹
6. s.m. cualsisei robe plui o mancul spiçade che e dedi infûr:  e par jet, lis bancjis di fiar. Cun cualchi bulon che al jes incà e inlà; che anzit bisugne sielzi ben il puest, a palpe, se no tu ûs che un di chei spontons ti foropi la schene (Gjigji Mestron, Fastidis e "nemo propheta...")
7. s.m. [TS] edil. trâf o pâl zontât par che une struture no coli
   Cfr. ponte , soponte
   
   1. (fig.) element, ancje imateriâl, che al jude a stâ sù:  l'articul «Chê biade unitât» nol jere fregul cuintri la unitât taliane, ma cuintri chê forme di unitât cence cunsistence, tignude sù cui spontons romantics, retorics e sintimentâi, de leterature patriotiche dal Votcent (Redazion Patrie dal Friûl, Discorìn tra di nô 9-2-1947)