Dizionari de Lenghe Furlane

spiron  /-òn/  spi|ron  [CO]

1. s.m. furniment spiçât che si zonte di mût che al dedi infûr daûr dai stivâi, par sponzi i flancs dal cjaval:  oms a cjaval cu la lance in man, la bandolere tor la vite, i spirons sui flancs dal cjaval (Alan Brusini, Par stradis lungjis); tes neveris des Russiis a servî Napoleon dai spirons di aur (Dino Virgili, La aghe da pît la cleve)
2. s.m. ponte di metal ancje no par sponzi i flancs dal cjaval:  l’anghîr al veve in ponte un spiron par parâ inlà i troncs (Antonino Danelutto, Prime le fieste cul bec e dopo le fieste al bec)
3. s.m. [CO, TS] anat., zool. struture spiçade daûr de çate dal gjal o di altris uciei, che e ven doprade par ferî l'aversari in combatiments:  [il vecjo gjal] al veva strinzût fra li alis un gjal cjaviestri e forastropis e, tal mentri che a lu sbecoteva, a i veva plantât i spirons tal stomi (Nelso Tracanelli, La piora dal Fossalon); al à il cjapiel ros e nol è gardinâl, / al à i spirons e nol è militâr, / al cjante matutin e nol è capucin (Popolâr - Zuan Nazzi Matalon, Induvine induvinacul)
   
   1. dêt atrofizât di cierts animâi
   2. struture spiçade anormâl che e da infûr di un vues
4. s.m. stec, bachet che al da infûr:  al cjapà li pulcri una par una [...] fin che al restà il panzel di paa, i spirons nûts e la gala [de zoie dal funerâl] (Novella Cantarutti, Inemorato io son di te)
   Sin. sponton
   Cfr. stoc¹
5. s.m. spice di cret:  là sù adalt sul spiron dal Faeit la glesie di Cesclans, blancje e bessole e sparive di tant in tant, invuluçade tal nûl (Felix Marchi, Clarine di Braulins); chê grant aga frescja e turchina che a saltava four dal bûs dal Racli, a vigneva incà [...] fin dulà che al si ingrinta il spiron di Grimau (Novella Cantarutti, Malincunia dal lagu)
   Sin. spiç , spice , sponton
   
   1. part spiçade di cret che al da infûr, ancje avonde piçule:  tignintsi pai spirons de crete che a parevin mantiis di pueste par judâlu (Pieri Menis, Lis leiendis di Buie)
6. s.m. part di arzin che e va indentri li che al zire il cors de aghe:  fin al trentenûf la Viarse e jere come un fossalat che al si pleave in tancj meandris, plene di spirons (Augusto Geat, Il mulin di Spessa)
7. s.m. toc di len avonde sutîl plantât daûr dal cjar:  se calchedun el se tigniva co le man sul spiron del cjar, i ghe taiava i deit co la baioneta (Chino Biscontin, Le buse dei morti)
8. s.m. cualsisei part o struture che e vedi une forme che e da infûr:  chel spiron di tiere clamade Yucatan insom dal Messic (Bepi Zefon, Il calendari dai Maya)
   Sin. sponton , ponte , spiç , spice

Proverbis:

• cui che nol à cjaval e al proviôt scorein, siele e spiron, se al vûl al è un mincjon
• i è passade ancje a Napoleon che al veve i spirons di aur
• i passarà se i è passade ancje a napoleon che al veve i spirons di aur