Dizionari de Lenghe Furlane

stocade  /-à-/  sto|ca|de  [CO, TS]

1. s.f. arm. colp dât cu la ponte dal stoc o ancje di une altre arme blancje:  [il cosac] cuntune finte al mande a vueit la sô stocade, i cor ator cu la svelterie di un gjat o une bilite, e cu la spade tonde i çoncje net il cjâf (Alan Brusini, Un dai pôcs)
   
   1. sport colp di scherme che al rive a tocjâ il cuarp dal aversari in maniere di jessi contât come pont
2. s.f. zûcs tal zûc di balis, tîr fuart che al fâ saltâ vie une bale che e jere za stade zuiade o in câs ancje il balin
   Sin. stoc¹
3. s.f. sport ancje in altris dissiplinis, soredut tal balon, tîr improvîs, fuart e precîs:  cualchi stocade dai parons di cjase che a cjatin la rispueste pronte tai biei intervents di Scuffet (Marc Stolf, Fiorentina - Udinese 2-0)
4. s.f. colp o sburton dât cu lis mans, cui comedons, cu lis spalis e v.i.:  [Dall'Ongaro] el da une stocade cul comedon a Gortani e a Bonini, che fevelin di stilistiche furlane (Ugo Pellis, Dôs cjacaris di Vencul - Prefazion a Instoriis e liendis furlanis)
5. s.f. batude ironiche o sarcastiche, curte e improvise, fate cuintri di cdn.:  "[...] nol lasse scjampâ ocasion par contrariâ ducj i miei progjets... E cuant che al po nol si sparagne di dâmi des stocadis" (Francesco Coletti, Romeo Battistig, Arturo Bosetti, La massarie dal plevan)
   Sin. batude , butade , botonade , boton¹