Dizionari de Lenghe Furlane

boton¹  /-òn/  bo|ton  [AF]

1. s.m. part di vistît, che e pues sei fate di plui materiâi, par solit a forme di discut, che e je cuside tun ôr e che si pues passâ pe asule tun altri ôr, di maniere di sierâ:  une femine in gjachetin ros di vilût cui botons di arint (Dino Virgili, La aghe da pît la cleve); lu cjatà dongje il barcon che si tacave un boton te cjamese. «Daitmi ca, us al tachi jo». «Savêso ce fature, par tacâsi un boton» (Carlo Sgorlon, Prime di sere)
   Var. baton
2. s.m. part di un imprest o di un aparât fate par jessi fracade cuntun dêt, in maniere di inviâ une azion, dâ un comant, piâ, distudâ e v.i.:  o frachi el boton dal campanel (Arturo Feruglio, Viaç a Vignesie); Jacum al jere restât cui dêts fers sui botons [de armoniche] (Maria Forte, La cjase dal Murat); John intant al veve cjalcjât un altri boton e la machine e partive a grande velocitât (Checo Tam, John König)
   Sin. tast
3. s.m. part taronde e un pôc gruesse di alc:  vô doprais ogni dì i fulminants; savês, che freant il boton di chei stecuts si manifeste une flamute (Giuseppe Ferdinando del Torre, La crosade del maladet)
4. s.m. [BF] viôt butul

Polirematichis e espressions idiomatichis

• boton de panze loc.s.m.
• strenzi un altri boton de cinture loc.v.
• tacâ boton loc.v.
• vê il boton loc.v.

Proverbis:

• conte i tiei botons e po tu contarâs i miei
• flocs e botons la mierde pai talons
• par mostre baste un boton
• sta sù boton fin che o soi fûr di chest porton