butul
/bù-/
bu|tul
[AF]
-
s.m.
flôr che al à ancjemò di vierzisi:
Sabide Sante: vâs di canelons in butul e basili fresc sui barcons, emolârs florîts (Pieri Somede dai Marcs, Clâr e scûr);
il rosâr zâl al sarà plen di butui (Maria Forte, Cjase di Dalban)
Sin. bocul
, boton1
, butule
, cecje2
-
s.m.
part zovine e a pene nassude di une plante:
O jeri daûr, vuê di buinore, a cuinçâ il vignâl, e i cjâfs des vîts, par ordin che ju çoncjavi cu lis fuarpiis, mi vaìvin in man: daûr di chês lagrimis a vegnin i butui, daûr dai butui a vegnin lis cecjis e su lis cecjis, cul non di Diu, a vignaran i raps (Josef Marchet, Lis predicjis dal muini);
i ramaçs des vîts a jerin luncs e ingredeâts, e Eliseo al taiave jù dut, fûr di doi trê butui dal ultin an, i plui luncs e fuarts (Carlo Sgorlon, Prime di sere)
-
s.m.
(fig.)
in espressions di afiet, in riferiment a un frutin a pene nassût:
la comari le scjassave e i mostrave un butul di cjar ruane, involuçât intune cuviertute (Gianni Gregoricchio, Trê feminis);
«Pine… comari.. cjale, e je nassude une pipine, Pinute! … Viodile, ce tesaur… Un butul di garoful…» (Pieri Menis, Chei di Muraie)