Dizionari de Lenghe Furlane

tacâ boton    [CO]

1. loc.v. (coloc.) scomençâ a fevelâ cun cdn., in gjenar soredut pal plasê di cjacarâ o cuntun pretest par cognossisi o ancje lant indevant a tabaiâ masse:  si visave che i doi fantats si voglonavin e che a cirivin in dutis lis manieris di tacâ boton (Alan Brusini, Come tai romançs); jo o fâs il bulo e i dîs alc par francês, sierantmi ancje il nâs par rindi lis peraulis plui dongje pussibil a un vêr francês di marilenghe. Dopo cualchi batude la francese e va vie. Nol è simpri facil tacâ boton (Checo Tam, La maree nere)
   Sin. tacâ farie
   Cfr. tacâ discors

Components:

• boton¹ s.m.
• tacâ v.tr., v.intr.