facende
/-èn-/
fa|cen|de
[AF]
-
s.f.
azion o ativitât gjeneriche, robe di fâ o robe che si fâs:
al cjatave Alde di bessole, simpri in cualchi vore, magari dome che a tornà a lustrâ i rams de cusine. Co si meteve in cheste facende, Alde si sintave dongje dal balcon, cjantuçant, cui voi piardûts lontan (Gianni Gregoricchio, Îr e doman);
la autonomie e otignarès ancje chest risultât educatîf: ognidun al sarès interessât da vicin e diretementri tes facendis publichis, al impararès a capî e a doprâ la sô inteligjence te direzion dal Comun e de Regjon (Josef Marchet, A scuele di autonomie)
Sin. assum
, cefâ
, comission
, dafâ
, funzion
, incarghe
, lavorîr
, negozi
, vore
, lavôr
, robe
, cjosse
-
s.f.
argoment o situazion di frontâ, soredut in espressions che a rimarchin la sô individualitât o dificoltât:
"Disbratìn cheste facende, che no vuei plui sintînt a cjacarâ" (Ercole Carletti, Mariute);
"Ma ben di une altre facende vuei fevelâti a timp, prime che al ves di sucedi che tu colassis tal laç cence inacuarziti" (Vittorio Vittorello, A ogni cost)
Sin. afâr
, cuistion
, dafâ
, discors
, fat1
, lavôr
, mignestre
, naine
, probleme
, robe
, cjosse