cjosse
/-ó-/
cjo|sse
[FO]
-
s.f.
cualsisei ogjet di cualsisei nature, sedi fisic che astrat, in sens gjeneric, che no si nomene ni si definìs di un precîs:
i volarès cualchi cjosse di biel e che no costàs masse… (Arturo Feruglio, Viaç a Vignesie);
rivant a Rome la cjosse che i veve fat plui impression al jere stât il fat di sintîsi tune citât dulà che a vevin butât i cristians ai leons, tant che poleçs o cunins, e la int a viodiju e ridaçave e e bacanave (Agnul di Spere, Te grande place);
nus tocje a nô metisi dacuardi par che cheste autonomie e sedi une cjosse e no une peraule vueide di significât (Josef Marchet, Ancje cheste e je fate);
o cjapi la ocasion par fevelâi di une cjosse une vore serie (Costantino Smaniotto, Co l'amôr al cimie)
Sin. robe
, cjossul
, robul
, facende
, storie
, cuistion
, afâr
, tramai
, intric
Proverbis:
- il timp al scuvierç grant cjossis
- ogni cjosse a timp e lûc
- sossedâ nol vûl mintî: o fam o sêt o sen di lâ a durmî o cualchi cjosse che nol olse a dî