Dizionari de Lenghe Furlane

naine  /nà-/  nai|ne  [AF]

1. s.f. cjançon semplice e ripetitive, cun ritmi lent e avuâl:  il siaman al jentrave e al lave in estasi par fâ il so viaç, judât di musiche, nainis, preieris, sostancis gjavadis fûr di plantis e foncs (Sandri Carrozzo, Jenfri vîfs e muarts); «Checo beco, sta sul fen …››, «L'era na volta, Pieri si volta…››, «Tintina, tintona, cui balia là sù? …» a son nainis e sflocjis che mê mari e cjantuçave dispès (Celso Macôr, Jentrade a Sacheburache)
   Sin. ninenane , bigulere , cjantarele
   Cfr. filastrocje
2. s.f. (fig.) discors o ancje fat une vore lunc, ancje simpri compagn, che al stufe:  ti tiri sù une naine argomentative filosofiche che no finìs plui (Raffaele Serafini, Contis sot spirt); la fieste e jere grise; solitis nainis, stes discors, midiesimis robis ditis e straditis (Franca Mainardis, Aiar di cjase); "Baste, ti prei no stâ tirà fûr nainis, e cjo (i da i cinc francs) e lassimi stâ parcè che tu mi âs biel che inçurvilît" (Pieri Somede dai Marcs, La buteghe dal barbîr)
   Sin. lagne , musiche , solfe , storie , luianie , rosari , sfilze , tedie , ziguzaine , fete , gjile
3. s.f. robe di nissun interès o di nissune impuartance o che par mancjance di interès no si definissin in maniere plui precise:  […] si cjatisi intun circul che al è daûr il Cors e che o scuegn frecuentâ. Sâstu ce balons, Montàg: ti dan la promozion, ma ti oblein a dutis chestis nainis (Stiefin Morat, Kebar krossè); nissune frutine no passe di Comunion cence une tonie blancje, lungje fintremai sot dai talons e plene di camufs, di galis, di codis, di pletis e di altris nainis (Josef Marchet, Lis predicjis dal muini)
   Sin. bagatele , bazecule , buzare , cagnere¹ , fufigneç , monade¹ , stupideç , tatare , tatareç , stupidade , stupidagjine , fufigne , fanferie , fote , pantiane , stoc¹
4. s.f. robe, maniere di fâ, azion e v.i., che a dan fastidi, che a fasin pierdi timp:  lis feminis si pierdevin tor rimpins di nuie, dismenteant, dibot, là che a jerin. Nainis che a fasevin iritâ la none (Maria Forte, Cjase di Dalban)
   Sin. cuistion , fastidi , impaç , pinsîr , scjinfe , secjadure , tananai , intric
   
   1. robe problematiche, che e met in dificoltât, che e domande soluzions o responsabilitât:  «Figurant come soci, no come operari. Parcè che jo no vuei nainis, se dopo us sucêt alc» (Carlo Sgorlon, Prime di sere)
5. s.f. robe false:  "Sante Marie, ogni cjase une strie" e jere la innomine. Ma di pôre che i disessin strie ancje a jê, Vigje e bateve cumò che a jerin dutis fotis e nainis de int plene di bon timp (Ivano Urli, I spirts); e no stait a saltâmi sù cu la naine che o soi razist, (Raffaele Serafini, Dôs robis a fasin stâ ben la famee: predi e purcit)
   Sin. bale , bufule , falope , fufigne , menade , narde , storiele , stupideç , truc¹ , storie , flabe , bausie¹
6. s.f. situazion, dinamiche che e va indevant intune cierte maniere:  cui lu varessial mai dite cemût che si podeve olsâ, cemût che la robe e podeve cambiâ! La naine si jere ribaltade (Alan Brusini, Come tai romançs)
   Sin. storie , cuistion , musiche

Polirematichis e espressions idiomatichis

• fâ tantis nainis loc.v.
• movi nainis loc.v.