Dizionari de Lenghe Furlane

pantiane  /-ià-/  pan|tia|ne  [AF]

1. s.f. [AF, TS] zool.com. non gjeneric di plui speciis di roseadôrs, che si somein cu la surîs, ma che a puedin jessi une vore plui grancj, tant che Rattus norvegicus e Rattus rattus:  soteranis luncs luncs, plens di 'savis e madracs e pantianis (Dolfo Zorzut, El cjaliâr sence paùre); sul cjast lis pantianis a corevin movint i corondui (Checo Tam, Ombris)
   Cfr. surîs , musan
2. s.f. (coloc.) bausie o argomentazion false o sfuarçade:  al conte la storie vere, chê de int, chê storie no intosseade des "pantianis" de retoriche nazionalistiche che e à fat tancj dams (Christian Romanin, Robononis); il contrari de veretât a je la bausie; il contrari de storie a son lis storiis, lis flabis, lis bufulis, lis pantianis che a si contin par indurmidî la int (Antoni Beline, Introduzion ae Cuintristorie dal Friûl)
   Sin. bagule , bale , bausie¹ , bombe , buride , buridon , cabule , carotule , falope , fals , falsetât , fandonie , fanferie , fiandrine , flabe , flandogne , fote , implant , invenzion , lasagne , luianie , naine , pancjanade , pancjane , pitintane , sbarade , sflandocje , sflandogne , stoc¹ , storie , strambolot , trombonade
   Var. pancjane
3. s.f. (coloc.) robe di nuie che no vâl nuie, fate o dite par stupiditât o par lizerece o tirade in lunc tant di stufâ:  bon, disìn che i nestris discors a son fats di pantianis. Nus plâs ridi, ve! (AAVV, Sul florî); "[…] ce cjaviestri che tu sês… no tu capissis propit une madocule…" "E tu, che tu capissis dut, finissile cu lis tos pantianis, e cui tiei rosaris, e no stâ fâmi vignî sù il futar" (Pieri Somede dai Marcs, Un pugn di moscjis)
   Sin. buzare , cagnere¹ , capele , menade , naine , stoc¹ , strambolot , stupidade , stupideç , fote , fufigne , boiade , cagade , storie , cantin
   Var. pancjane
4. s.f. [AF] (pop.) orghin sessuâl feminîl:  insome, o savês aromai i vizis dal gno amì Pieri. Nol è un segret che i plasi la pantiane (Aiarin, L'origine del mondo)
   Sin. bebece , bece , beibe , brotule , bûs , buse , busute , cjastine , fersorie , fighe , filipe , fritule , mone , musine , narde , ninine , nît , palisse , panarie , parusse , parussule , pavee , pêl , pelice , pelose , plete , pote , rice , robe , robute , sfese , sunete , surîs , tai , vagjine , vulve , panole , frice