cantin
/-ìn/
can|tin
[AF]
-
s.m.
[TS]
mus.
cuarde plui fine, che e da la note plui alte, dal violin o di altri strument:
ben la godine vuestre fâs fracàs, / se vô la tastizais cun dote man, / e in paragon chê dal cantôr teban / pâr che no vebi ne cantin, ne bas (Ermes di Colorêt, I, 88)
-
cualsisei cuarde di cualsisei strument musicâl:
scoltava la filulela dai grii che sunin un viulin che l'à dome un cantin (Ugo Pellis, Catinuta)
Sin. cuarde
-
s.m.
(fig.)
argoment, cuistion:
Tite no si smaraveà par nuie di chê pretese, ma i cjantà clâr e net che cun sô gnece, al veve di disbratâsi di bessôl che, lui, in chei cantins nol voleve impaçâsi (Maria Forte, Cjase di Dalban);
al à dit, tra lis altris, a cualchidun che al jere vignût fûr cul cantin de Regjon, che al jere miôr no tirâ in bal chês cuistions (Josef Marchet, Rapresentants dal popul);
il patriarcjât di Aquilee al è stât scancelât; no par cantins di religjon, che alore ju sopuartarès, ma par cantins di politiche (Francesc Placerean, Pe unitât di glesie in Friûl)
Sin. afâr
, argoment
, cuistion
, pont
-
s.m.
(fig.)
scuse o ocasion buine:
la Mabile e cirive la gruse par scomençâ a rompi chê cuiete parsore vie, che no i confaseve. Un cantin par pitimâsi (Maria Forte, Mabile la Lunghine)
Sin. cuviertele
, justificazion
, ripic
, scuse
, ocasion
, dret
, pretest
-
s.m.
(fig.)
persone une vore magre:
al tigneva da nua ducj, parfin chel pôr cantin di femina che al si era strassinât in cjasa par che a i fasès li vori (Novella Cantarutti, Il Crist sclagn)
-
s.m.
(fig.)
puest, cjanton:
[la place sant Jacum] je simpri compagne / cui siei barachins, / la vecje fontane / e i altris cantins (Toni Bidel, Udin vistût di fieste);
cuntun toc di savon che a fasevin in cjase, e jentre te podine e si lave par ogni cantin (Ivano Urli, Storie di Vera)
Sin. puest1
, cjanton
, lûc
, bande
Polirematichis e espressions idiomatichis
