Dizionari de Lenghe Furlane

cuarde  cuar|de  [FO]

1. s.f. fas fuart, lunc e plui o mancul grues, di fîi intorteâts che si dopre par leâ, tirâ o tirâ sù alc:  cuarde di cjanaipe; cuarde di açâl; siore, mi displâs, ma jê e à tuart. Al cjan bisugne metii il cos e tignîlu pe cuarde. O soi costret a dâi la multe (Angelo Covazzi, I dincj); cjoli il buinç, la cuarde e la sele par lâ al poç (Pieri Somede dai Marcs, La benedizion da la aghe); i cjampanârs in cubie, ben plantâts sul paviment cui braçs che si tindin di lunc la cuarde par grampâsi plui in alt pussibil a un segn di vôs a tachin a sunâ (Pieri Somede dai Marcs, L'ultin cordo)
   Sin. soie¹
   Cfr. cjaveç , cjâf , siulin , spali
2. s.f. cuarde fine cun doi manis ai cjaveçs che si fâs zirâ parsore dal cjâf e si salte par zuiâ o par fâ gjinastiche:  a zuiavin tra di lôr, cul cercli, cu la cuarde, cu la bale (Alan Brusini, Come tai romançs)
3. s.f. [CO, TS] mus. fîl di budiel, di metal o di nailon in struments tant che violins, ghitaris e v.i., che cuant che al ven tocjât al da fûr un sunôr:  la ghitare di Rinaldo, a fuarce di dâi e dâi, e jere restade cun nome trê cuardis, ma lui al sunave istès (Meni Ucel, Serenadis)
   Sin. cantin , cuarde armoniche
   
   1. tal pl. famee di struments che a sunin in graciis de vibrazion di filaments di chê sorte
4. s.f. sensibilitât une vore particolâr:  tu tu lo viodis dome cui to voi e tu sintis tal to cûr dome chel che al è intonât su li cuardis da tô anima (Ugo Pellis, Catinuta)
   Sin. sensibilitât
5. s.f. cualsisei struture anatomiche o forme dal cuarp che e vedi un aspiet che al somee une cuarde:  fin a strenzimi lis cuardis dal cuel e scjafoiâmi la anime (Stiefin Morat, Kebar krossè); al veve une sorte di cuarde vertebrâl sfruçonade te schene dal lunc cuarp… alc di come cuant che tu spelis i gjambars (Checo Tam, Sense)
6. s.f. [TS] edil. len di costruzion lunc fin a siet metris, grues sui trente centimetris, doprât pal plui par fâ armaduris
   Cfr. trâf , filâr , cjadene
7. s.f. [TS] gjeom. segment di rete che al unìs doi ponts di une circonference
   
   1. intune curve sclavuece la linie che le taie in doi

Polirematichis e espressions idiomatichis

• balarin di cuarde loc.s.m.
• dâ cuarde loc.v.
• jù di cuarde loc.adi.inv.
• taiâ la cuarde loc.v.
• tignî su la cuarde loc.v.
• tirâ la cuarde loc.v.
• tirâ sù di cuarde loc.v.
• vendi pe cuarde loc.v.

Proverbis:

• a fuarce di cori sù e jù, ancje la cuarde e fruie la piere dal poç
• a tirâ masse la cuarde, si romp
• cul trop tirâ, la cuarde si romp
• in cjase dai picjâts no si à di fevelâ di cuarde
• la cuarde co e je trop tirade si romp