cjaveç
/-èç/
cja|veç
[AF]
-
s.m.
estremitât di un fîl, di une cuarde o sim.:
cjapada duncja la cuarda par chel cjaveç che al si univa a la barcja, al si de a fâla sù come cui che tira fûr dal poç una sela (Federigo Comelli, Il me paîs)
Cfr. cjâf
-
estremitât di alc di lunc:
i boscarûi a cjaparin l'ultin cjaveç di troi, ad ôr da la aghe e po fûr te Stradegnove (Dino Virgili, La aghe da pît la cleve)
-
[TS]
agr.
fasse da cjâf dal cjamp, li che a finissin lis cumieris:
al cjate il copari Min che al lave di une cumiere in chê altre a robâi panolis, cul sac. Lu spiete sul cjaveç, da pît, e i dîs: «Orpo, copari, o resti…» (Meni Ucel, Mangjativis)
Sin. cjavece
, cjaveçâl
, frunts
, cjaveçagne
-
ce che al vanze di une piece di tiessût che e je za stade pe plui part vendude o doprade:
"Varessial un cjaveç di chest cambric?" (Giulio Andrea Pirona, Novo vocabolario friulano)
-
s.m.
(fig.)
pont, element o maniere di considerâ che e permet di capî o di dâ reson di un pinsîr, di un fenomen, di un fat e v.i.:
stâ a sintîmi… o crodi di vê pes mans il cjaveç des muarts… mi stâstu a scoltâ… si, il cjaveç… (Sandri Di Suald, Ah! la provincie);
si jevà sù in senton, cirint il cjaveç dai fats che si jerin ingropâts tal so cjâf (Fabian Ros, Un piçul particolâr)
Sin. dret
-
ce che al è la origjin o la cause di alc:
no si crevà mai il fîl de filosofie, che al veve il so cjaveç inte Jonie dal VI secul (Adrian Cescje, Viaç aes origjins dal Logos)
Sin. lidrîs
Cfr. çoc
, scune
Polirematichis e espressions idiomatichis
Proverbis:
- no si file mai tant sutîl che il cjaveç nol salti fûr
- tal cjaveç nissun met leç
