scune
scu|ne
[AF]
-
s.f.
sorte di jetut par frutins nassûts di pôc, che pal solit si pues sdrindulâ:
il vieli al vignive ca biel planc tal scûr e si fermave tant a cjalâlu tal scûr cui braçs da pît de scune (e jere la scune viere dulà che a vevin durmît etis e etis di Batistons […] (Dino Virgili, La aghe da pît la cleve);
il frut al continue a vaî e Lise lu cocole e nice la scune; po e si met a cjantâ la ninenane (Bruno Paolo Pellarini, Ninenane)
Sin. nane
Var. cune
-
(fig.)
fi piçul:
al è stât un timp che mi jere vignude la fiere di tornâ a cuistâ la part di barbe 'Sef, par dâ un salustri a la cjase. Ma ce vûstu! Ancje jo o ai vût masse scunis (Maria Forte, I arcs)
-
(fig.)
in mûts di dî che a vuelin dî la prime etât, cuant che si è a pene nassûts:
ai presint il passât, / chel che ai fat, che ai pensât, / e cjati une misture / di afiets, di desideris, di dolôrs. / Costant ne la sventure, / simpri, fin da la scune, / mi à neât la fortune i siei favôrs (Pieri Çorut, Par lis gnocis Picoli-Colùs)
-
s.f.
(fig.)
lûc di divignince:
[Sedean] al è stât une scune di personis, tantis ancjemò in vite, che a àn dât sflandôr a chest paîs (Luigi Masutti, A proposit di Sedean)
Sin. patrie
-
s.f.
(fig.)
ambient, cundizion, situazion e v.i. li che a nassin une idee, une capacitât, une cualitât e v.i.:
la Saf [Societât Alpine Furlane] e je cetant leade ae storie dal Friûl. E je stade une organizazion che e à cjapât un puest impuartant ancje a nivel talian, jessint stade tal timp la scune di une interie gjernazie di gjeolics e gjeografs no dome furlans (Oscar Puntel, Su la plui alte cime… cu la SAF dal 1874)
Cfr. risultive
, farie