Dizionari de Lenghe Furlane

risultive  /-tì-/  ri|sul|ti|ve  [AF]

1. s.f. vene di aghe che e ven sù de tiere, soredut in riferiment aes aghis che a tornin sù te planure:  là jù, te planure, no si po mico lâ a passâ tant, a pît, parcè che a un pont a son lis risultivis: a vegnin fûr i flums come il Stele, il Cuar… (Francesc Placerean, La nestre storie); il troi che, bandonade la stradele, al plee ben jenfri des risultivis viers di Codroip (Franco Marchetta, Madalene)
   Sin. ole , risulture
   Var. rissultive
   Cfr. avenâl , vene¹ , font³ , fontane , sorzint , spissulon , surtum , flambûl
   
   1. ancje in riferiment ae vene di aghe li che al nas un flum in mont:  cun tante bisugne che il mont al à di aghe frescje e buine, si è tentâts di pensâ che la Cjargne, cu lis sôs risultivis di mont e i siei riuçs di aghe cristaline jenfri i crets, e podarès scuasi vivi di rendite (Riedo Pup, In Friûl cul passepuart); si passave parsore la risultive dal Fontanon [di Tamau] che si sintivile a businâ sot (Pieri Menis, Funerâl a Pâl Piçul)
2. s.f. (fig.) cause o origjin di alc:  la fieste dal matrimoni e je la fieste de risultive de vite (Francesc Placerean, Cuant che tal matrimoni al è l'amôr cristian, li al è verementri Diu); o vin di imparâ a aministrâ chest gnûf potenziâl, di mût che al deventi une risultive di cognossince (Mario Turello, Il brevet)
   Sin. cause , origjin , font³ , fontane , sorzint

Proverbis:

• cuant che a fumin lis risultivis, siroc soterani