vene1
/vè-/
ve|ne
[FO]
-
s.f.
vâs dal sisteme di circolazion dal sanc che al puarte il sanc dai orghins periferics al cûr:
une infermiere […] e faseve il so podê par impirâi la vene cu la gusiele dal flebo (Amedeo Giacomini, Tal ospedâl)
Sin. vâs venôs
Var. avene
-
s.f.
cualsisei vâs dal sisteme di circolazion dal sanc:
i vignivin tal cjâf lis mans dal so puar Gjovanin: grandis e disformadis dal lavôr, cui cai dûrs tant che capelis di claut e cu lis venis gruessis tant che vuarbisinis (Roberto Ongaro, Il muc)
-
(fig.)
in diviersis espressions par dî la persone, tant a nivel fisic che psicologjic, che e ven cjapade o travanade di une sensazion, passion, volontât e v.i.:
une gnove voie di vivi i zirave tes venis (Maria Forte, Cjase di Dalban);
e cussì i jôt colâ la nêf, che a buinora a su stupìs / e tas venas a cjanta la Vierta, e nissun a lu capìs (Giorgio Ferigo, Dal pruc);
un sgrisulon di ligrie e di fieste al è passât pes venis de int (Pieri Somede dai Marcs, 11 di Fevrâr 1929)
-
s.f.
flus o dipuesit naturâl di aghe sot tiere, che e pues ancje rivâ ae superficie:
la ole, ven a stâi un ‘pont' dulà che si formin lis bufulis che a mostrin la emission di aghe da la vene in profonditât (Lorenzo Marcolini, L'articul di Einstein dal 1905 sul efiet fotoeletric. Un lavôr plurilengâl voltât in lenghe furlane);
e vin dovût gjavâ plui di vincj metros par cjatâ la vene da la aghe (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Sin. avenâl
, filie
, fontane
, risultive
-
aghe che e cor in superficie, spec. ognidun dai brancs di un flum:
il Tiliment cu la largjure des gravis come une neveade e lis venis scuris da la aghe (Maria Forte, Sul cjar di Pauli Gurin)
-
s.f.
(fig.)
origjin, divignince, percors che al permet di rivâ:
par venis misteriosis i vignivin chei centesims che no lu lassavin murî di fam (Maria Forte, La tiere di Lansing)
Sin. vie
, strade
, bande
-
s.f.
rie di densitât e colôr diferent intun materiâl, massime tal len o tun cret:
il spirit de nature al è ben rapresentât des mascaris de Alte Vâl de Tor, dulà che grops e venis dal len a deventin elements de muse rapresentade (Erika Adami, Mascaris che a contin il Carnevâl in Friûl);
a Tamau e gjavin une biele piere colôr di rose a venis neris e blancjis (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
-
cors lunc e ben individuât di un materiâl diferent intun altri:
la tiere scure dal fonts e veve venis di grave, claps, rudinaçs (Dino Virgili, La aghe da pît la cleve)
-
s.f.
(fig.)
presince di un caratar, di une sensazion, di une impression parziâl o secondarie, ma particolâr, in alc di plui grant o complès:
al veve inte vôs une vene di tenarece (Gianni Gregoricchio, Trê feminis);
tu scuens fâ i conts ogni dì cun lui [cul to passât], tu sâs che ti puarte une vene dolcemare tes robis piçulis de tô zornade (Nadia Pauluzzo, Il bintar)
Sin. ombre
-
umôr o disposizion psicologjiche:
se a vevin la vene contrarie, a fasevin di mancul di lâ a messe e a jespui, dut alì (Riedo Pup, I furlans e i predis);
Fredo Migot, ancje di vecjo, al veve conservât la sô legre vene di spirt gjubiâl e ecuilibrât (Riedo Pup, Murî di fam cui camarins plens)
-
s.f.
(fig.)
ispirazion artistiche:
Florendo [Mariuzza] al veve veramentri une buine vene pes cançonetis furlanis e, a traviars lis cançonetis, nus à lassade la rapresentazion di tantis senis de vite contadine di une volte (Giovanni Battista Corgnali, Florendo Mariuzza di Cjampfuarmit)
Sin. buine uce
, estri
, snait
, uce
-
s.f.
tal pl., viôt vene varicose
:
e rivà de Basse une sô gnece par judâ la agne che e pative di venis tune gjambe (Maria Forte, Il tei)
Polirematichis e espressions idiomatichis
Proverbis:
- al à di cori il sanc pes sôs venis