Dizionari de Lenghe Furlane

estri  /è-/  es|tri  [AF]

1. s.m. mût di stâ, di movisi, di fâ, aspiet che al da une cierte impression:  a griule le puarte de nestre barache e, dismots di strabalç, a lampìn jentrâ un omenon cuntun estri forest (Ivano Urli, Storie di Min)
   Sin. ande , mût , maniere , tîr , arie¹ , ciere
2. s.m. desideri o umôr improvîs, no spietât, ancje stramp, ma che al dure pôc:  Mario, dal moment, al veve sintût l'estri di cjarinâjai [i cjavei] (Gianni Gregoricchio, Lilie)
   Sin. camofe , çurie , çurion , fumane , gri , jevade di cjâf , mateç , matetât , menade , meneuce , morbin , passion , pice , puntili , sbisiament , schiribiç , smanie , snaric , stoc¹ , talent , tenticul , tic² , tîr , uce , voie , volontât , capriç , fantasie , creste , strambarie
3. s.m. azion o moviment improvîs:  Edo i veve taiadis di brut lis peraulis, cuntun estri de man (Gianni Gregoricchio, La clape)
   Sin. mot , at , moviment
4. s.m. ispirazion creative, artistiche, imagjinative e risultât di chê ispirazion:  e cjantâ come la odule nissun / estri, forsi, nissune anime e po / la belece di cheste ore di Autun (Enrico Fruch, Su la Tor); ma se l'estri al cjate la vene par rivâ a saltâ fûr, ve che cul lavôr di fin chescj mestris a rivaran a fâi il bec ae moscje (Raffaele Serafini, B123ST)
   Sin. creativitât , fantasie , ispirazion , slanç , snait , talent , vene¹
5. s.m. (fig.) predisposizion, abilitât e buine volontât tal fâ alc:  cui che al veve estri al leve a pescje e a cjace, par puartâ a cjase alc di bon di tocjâ cu la polente (Cristina Noacco, Faliscjis)
   Sin. uce , snait