Dizionari de Lenghe Furlane

fantasie  /-ì-/  fan|ta|si|e  [FO]

1. s.f. facoltât di figurâsi tal pinsîr alc di ispirât ae realtât o inventât di plante fûr:  si sa, i siums no costin un solt e alore, lôr doi, a davin cuarde ae fantasie (Roberto Ongaro, Il muc); par no ruvinâsi il sintiment, e svolâ masse cu la fantasie, al è miôr, inaloris, navigâ tiere tiere, e capî chel che si rive a capî (Arturo Feruglio, Viaç a Vignesie)
   Sin. estri , imagjinative , pensative , vene¹
   
   1. [TS] psic. ativitât psichiche de ment che e sodisfe desideris o e lasse che si manifesti ce che al ven sù dal subcussient, e ce che al risulte di cheste sô ativitât
   2. [TS] filos. te estetiche idealistiche, facoltât che e fâs nassi la opare artistiche
2. s.f. robe imagjinade, no reâl, suposizion fûr dai fats e des provis:  veretât o fantasie che e sedi, cui puedial zurâlu? (Josef Cjargnel, La caroce di aur di Sant Martin); siums e scuviertis che a sclopin, cul zirâ plui imburît dal sanc, a baticûr, tun tarlupâ di fantasiis vivis e di sens turbits (Dino Virgili, La aghe da pît la cleve)
   Sin. bufule , bale , flabe , insumieç , stoc¹ , strolegament , sium² , sflocje , fanferie
3. s.f. idee o atitudin capriçose:  al veve miôr dal sigûr une vite dure, cence fantasiis, cence fotis pluitost che une vite comude e sbrendulone (Pieri Somede dai Marcs, O sielç lis stelis); a pene che si vierç la pussibilitât di resonâ suntun sisteme unic di scrivi par furlan, si scjadenin lis fantasiis plui strambis (Adrian Cescje, Memoriis di politiche linguistiche)
   Sin. camofe , çurie , çurion , estri , gri , jevade di cjâf , mateç , matetât , menade , meneuce , morbin , passion , pice , schiribiç , snaric , stoc¹ , fote , tenticul , tic² , tîr , uce , creste , strambarie , capriç , matierie
   
   1. desideri improvîs e stramp, che al pues ancje durâ pôc:  nol è mai lât nancje in biciclete e cumò i è vignude la fantasie di comprâ la moto
4. s.f. complès siôr di formis, colôrs, suns o altris elements che a impressionin i sens, dâts dongje in maniere naturâl o par creazion e decorazion:  vâs di canelons in butul e basili fresc sui barcons, emolârs florîts, svoi di cisilis sui cjamps a grandis strissis di zâl lusint di ravice o di ros infogât dal cerfuei in flôr: dut une grande fantasie di colôrs sot un cîl trasparent come un lambri (Pieri Somede dai Marcs, Clâr e scûr); une nêf minudine, glaçuline […] si tacave sui mûrs e sui lens in maraveose fantasie di ricams (Pieri Somede dai Marcs, 11 di Fevrâr 1929)
   Sin. armonie , conciert , sinfonie , dissen , bilisie
5. s.f. [TS] mus. in musiche, une composizion strumentâl in forme libare
   
   1. esecuzion che e lee un cun chel altri diviers tocs taiâts fûr di une o di plui oparis
6. adi.inv. cun dissens e colôrs vivarôs:  une golarine fantasie; une cotule fantasie

Polirematichis e espressions idiomatichis

• a fantasie loc.adi.inv., loc.av.