armonie
/-ì-/
ar|mo|ni|e
[AF]
-
s.f.
cumbinazion di suns che e je biele di sintî:
bisugne cognossi i rapuarts matematics e chei magjics che a lein tra di lôr lis notis, rivâ a capî i acuarts, i ritmis, i timbris juscj di movi, e po lis armoniis e lis melodiis… bon, nol è cussì sempliç (Stiefin Morat, Donald dal Tiliment);
lis campanis dai borcs vicins e lontans si meterin a sunâ e chel sun misteriôs te sô armonie al pareve come il niçulâ di une grande scune (Pieri Somede dai Marcs, Nadâl);
e te orele il sun de farie, discompagn par ogni metal batût, e che si disfave in armonie dulintor (Maria Forte, Cjase di Dalban)
-
[TS]
mus.
teorie che e studie la struture dai acuardis e la lôr cumbinazion
-
s.f.
(fig.)
cumbinazion proporzionade e plasinte di plui parts o elements:
al è dut un lusî di perlis, di franzis di aur, di arint, di galons di sede; e je dute une armonie di colôrs che a si misturin cul clâr dal soreli (Pieri Somede dai Marcs, Corpus Domini)
Sin. ecuilibri
, proporzion
-
ecuilibri estetic:
La storie dal templi doric e je la storie di un perfezionament progressîf e continuât viers un ideâl di armonie des dimensions tes proporzions e dai ritmis di lûs e scûr, di dentri e fûr (Adrian Cescje, Viaç aes origjins dal Logos)
-
s.f.
(fig.)
concuardie di sintiments, ideis, mûts di fâ:
tra di lôr, tra i viei, si jere creade une biele armonie, che di spes si invidavin a gustâ (Alan Brusini, Come tai romançs);
la buine armonie intune cjase e je une fortune, e je un capitâl che nissun sacrifici nol è masse grant par paiâlu (Josef Marchet, Lis predicjis dal muini);
la glesie furlane si è cjatade in armonie - cualchi viaç ancje masse - cul stât imperiâl (Francesc Placerean, Cuintristorie dal Friûl dal 1866 fint in dì di vuê)
Sin. acuardi
, conciert
, cunvigne
, intese
, pâs
, sintonie
Proverbis: