Dizionari de Lenghe Furlane

cunvigne  /-ì-/  cun|vi|gne  [FO]

1. s.f. incuintri di dôs o plui personis che si cjatin tal stes puest:  une sere, biel che e tornave de cunvigne [cul morôs], Tilde si intopà in so pari, che le spietave su la puarte de ostarie cuntune muse che e imprometeve tampieste (Gianni Gregoricchio, Trê feminis); siôr Toni al le dret tal cafè di Sitadel, là che si davin cunvigne dutis lis sioris dal paîs prin di jentrâ in glesie, e ancje i capuçats (Pieri Menis, Il «pigjama»); e sù a salts sul çuc di Fabro tant che furmiis prin de ploie, là che za a jerin une armoniche e un bas e là che Rinaldo al clamave a cunvigne dut il rest dal paîs cu la plere, che si sintivilu a Buie (Meni Ucel, La "Fieste dai Roncs")
   Sin. cjatade , incuintri² , riunion
   Var. convigne , cuvigne , covigne
2. s.f. riunion formâl di plui personis par discuti suntun argoment:  viei a contin che prin dal Concei di Trent e jere dute une sdrume di danâts, spirts e fantasimis che a torzeonavin pal mont a messet dai vîfs, a la cuâl che lôr ju viodevin saldo. Alore, in chê grande cunvigne, i vescui tai àn sconzurâts ducj tun colp e ju àn spedîts «in partibus», lontan dal mont cristian (Josef Cjargnel, Batistute); il Centri di Toponomastiche al fo istituît tal 1991 tal sen de Societât Filologjiche Furlane, pôcs agns dopo de prime cunvigne su la toponomastiche furlane (Udin, 11-12 di Novembar dal 1988) (Redazion SFF, www.filologicafriulana.it); Cavedalis al cognosseve za la citât, par vie che l'an prime le veve visitade, vint partecipât a une cunvigne di sienziâts talians (Giovanni Pillinini, Zuan Batiste Cavedalis - Une vite esemplâr)
   Sin. congrès , simposi , riunion , cjatade
3. s.f. impegn di cjatâsi:  i doi fradis si jerin come dâts cunvigne alì e si jerin metûts de bande a fevelâ sotvôs, ma ae mari no i scjampà chel mût di fâ misteriôs che a vevin fra di lôr (Maria Forte, Cjase di Dalban)
   Sin. apontament , ore pontade
4. s.f. il fat di vê chês stessis ideis, posizions, interès e v.i. o di rivâ a une conciliazion:  done Taresie, […] seneose di maridâsi tant che une pulzete sul prin dâ sù, e spesseave a smolâsi in cunvigne su chel afâr dal marideç (Alan Brusini, Un om di mont); la ocupazion dal Friûl par opare di Vignesie e vignì stabilide midiant di tratativis particolârs cun ognidun dai cjastelans e ognidune des Comunitâts, cence nissune cunvigne e nissun ricognossiment de bande dal princip patriarcje (Josef Marchet, Cuintristorie dal Friûl fin sot la Italie)
   Sin. aleance , compatât¹ , conciert , intese , justament , acuardi

Polirematichis e espressions idiomatichis

• dâ cunvigne loc.v.
• in cunvigne loc.av.
• vê cunvigne loc.v.