intese
/-tè-/
in|te|se
[AF]
-
s.f.
maniere di viodi o di frontâ une cuistion condividude di dôs o plui personis o sogjets:
no fasìn nancje vuere a nissun in particolâr, ma o invidìn i furlans a cjatâ une forme di intese parsore dai partîts pal ben dal Friûl (Josef Marchet, A chei che no àn ancjemò capît)
Sin. acuardi
, conciliazion
, cunvigne
, rangjade
, compromès
-
buine relazion, colaborazion e condivision di obietîfs jenfri plui sogjets:
e je stade particolarmentri impuartante la plene intese ideâl e politiche fra Volcher e Inocenç III (Gian Carlo Menis, Il Strolic furlan pal 1986)
Sin. armonie
, concuardie
-
s.f.
impegn concuardât di dôs o plui personis o sogjets:
prime che lis nazions interessadis a rivin a une intese definitive sul cont di Triest, al è ce spietâ (Josef Marchet, Sot di nissun)
Sin. compatât1
, conciert
, cunvigne
, pat1
, acuardi
-
s.f.
armonie di elements, caratars, abitudins, azions e v.i.:
lis crôs metalichis dal prin e i açalins dal secont, sunâts tant che a fossin struments musicâi, cu lis lôr risonancis a jentrin in intese perfete cu lis vibrazions des cuardis batudis dal piano (Alessio Screm, Il Disc Miniaturis)
Sin. acuardi
, armonie
Cfr. cunvigne