aleance
/-àn-/
a|le|an|ce
[AF]
-
s.f.
pat di amistât che al impegne doi o plui stâts a dâsi une man in câs di vuere o in pâs:
[tai secui V e VI] i diviers reams celtics a son dispès in lote tra di lôr, a voltis ta chestis vueris no mancjin aleancis jenfri siôrs britans e gjermanics (Carli Pup, Artûr, jenfri mît e realtât);
[il stât nazionâl] al à doprât il so podê in maniere agressive e contrarie al dirit internazionâl e a aleancis za strentis cun altris Stâts (Sandri Carrozzo, La fin dal Stât Nazionâl jenfri ilegjitimitât, inutilitât e paradòs, tal spieli de ipotetiche Riforme Costituzionâl taliane dal 2016)
Sin. acuardi
, compatât1
, pat1
-
s.f.
socie di plui personis, grups o partîts par rivâ obietîfs in comun:
al jere stât democristian fin che la Dc no veve svoltât viers la aleance cul Psi (Adrian Cescje, Memoriis di politiche linguistiche);
[doi notabii democristians] a ciraran aleancis par podê ribaltâ la maiorance che e comande e par creâ une gnove direzion di partît (Riedo Pup, Strolic di Inviar)
Sin. acuardi
, cartel
, coalizion
, compatât1
, cunvigne
, intese
, pat1
-
s.f.
[TS]
religj.
inte Biblie, pat di amicizie tra Diu e Israêl:
i sclâfs a àn la bulla peade ator dal cuel, a rapresentin lis cuatri aleancis dal Testament Vieri, chês di Adam, di Noè, di Abram e di Moisès (Giovanni Battauz, Flavio Cossar, Renato Iacumin, I mosaics de basiliche di Aquilee)