cartel
/-èl/
car|tel
[AF]
-
s.m.
supuart di cjarte, len, metal o cualsisei altri materiâl avonde grant, in gjenar cuntun test scrit o cun imagjins che si puedin viodi ancje di lontan, che si tache intor di un mûr, di un pâl o sim. o ancje che si pues puartâ ator:
si viodeve i cartei di une crosere di stradis, cun nons todescs, iluminâts di lûs blancje (Agnul di Spere, L'avignî di Antoni Cossâr);
cjasis grandis cun ducj i confuarts […] cul cartel par difûr «Vendesi, tel 0432…» (Roman Michelot, La cjase dai contents);
in chei dîs si viodevin dispès schiriis di students che a lavin sù e jù, cun cartei plens di slogans (Carlo Sgorlon, Ombris tal infinît)
Sin. tabele
, cartelon
, tabelon
, manifest1 ipon.
, placât3 ipon.
Cfr. anunzi
, avîs
, bant
, befel
, edit
, proclame
-
s.m.
liste di iniziativis, soredut spetacui, in program:
il cartel 2017/2018 al conte 26 spetacui par complessîfs 37 apontaments in 13 Comuns de regjon (Redazion La Patrie dal Friûl, La Fondazion Friûl e sosten Piccolipalchi, il teatri pai fruts)
Sin. cartelon
-
s.m.
[TS]
econ., fin.
acuardi fat tra impresis dal stes setôr di produzion par regolamentâ presits, cualitât e cuantitât dai prodots e la ripartizion dai setôrs di marcjât, par sbassâ la concorence fra i sogjets interessâts par no fâsi dam e par creâ une situazion di domini sul marcjât, a voltis un monopoli:
a àn metût sù un cartel di aziendis telefonichis
-
(estens.)
acuardi di colaborazion tra plui sogjets in cualsisei setôr, no dome economic:
si jere cirût di fâ un cartel di listis autonomistis che al fos coordenât dal Grop European dai Grups Indipendentiscj (Oscar Puntel, E cumò viodìn se a saran propit "vonde monadis": interviste a Federico Simeoni dal Front Furlan, elet conseîr in provincie di Udin)
Polirematichis e espressions idiomatichis