bant
bant
[AF]
-
s.m.
comunicazion publiche fate di une autoritât:
la justizie e jere aministrade dai militârs, lis leçs sostituidis dai bants che i stes a proviodevin a dâ fûr (Carli Pup, La seconde Irlande)
Cfr. avertence
, avîs
, edit
, befel
-
avîs public par un concors:
intal bant di concors aes aziendis di comunicazion e propagande si domandà di proponi messaçs su manifest e inserzion su gjornâi (Adrian Cescje, Memoriis di politiche linguistiche);
al è vignût fûr il gnûf bant de X edizion dal Concors par Tescj Cinematografics in Lenghe Furlane organizât dal CEC (Fabian Ros, Al è vignût fûr il bant de X edizion dal concors par tescj cinematografics in lenghe furlane)
-
s.m.
condane publiche a sei esiliâts:
al sucêt che lis misuris di bant dopradis par slontanâ dal Friûl i plui violents tra i partidants des dôs fazions a vedin dome l'efiet di slargjâ la faide ancje fûr dai confins de Patrie (Carli Pup, Il Friûl de Joibe Grasse dal 1511)
Sin. esili
, espulsion
, proscrizion
-
s.m.
teren comun tignût a bosc o passon, dulà che a son esclududis ciertis ativitâts o ciertis personis, di maniere che la sô utilitât si mantegni a pro di ciertis categoriis
-
s.m., inter.
[TS]
zûcs
intai zûcs dai fruts, espression par domandâ une sospension dal zûc par une cierte dade di timp
Var. bando