espulsion /-òn/ es|pul|si|on [CO]
- s.f. azion di mandâ fûr, di produsi la jessude di alc: la pompe Sprengel e dopre il mercuri pe espulsion dai gas de ampole (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât)
- s.f. il mandâ vie, il slontanâ di un teritori, di une jurisdizion, di une associazion e v.i.: la storie de lenghe di L'Alguer e començà tal XIV secul cu la espulsion di bande dai concuistadôrs catalans des popolazions sardis e gjenovesis de citât (Tiziano Gualtieri, Zornade europeane des lenghis. Ladin, Catalan, Cravuat)
- s.f. [CO, TS] sport proviodiment dal judiç di gare che, in gjenar par un fal grâf o par une sume di fai, al slontane dal imediât un zuiadôr o un atlete dal cjamp di zûc: a son robis che a capitin ancje se no varessin. La espulsion di Totti e je stade juste (Christian Romanin, Dino Zoff: «O vin lidrîs buinis, o vin di tignîlis di cont»)