befel
/-èl/
be|fel
[CO]
-
s.m.
ordin, istruzion imponude di une autoritât e comunicazion di chel ordin:
a fuarce di decrets, befei e intimazions des Autoritâts vaticanis, intal 1567 un sinodi diocesan al tacâ pe prime volte a fevelâ di seminari (Pier Carlo Begotti, Il Seminari de diocesi di Concuardie);
par no colâ tal tramai di chei zûcs e di chei trucs al pensave di no vê altri imprest che lis fuarcis armadis, simpri prontis a seguî un so befel (Giovanni Pillinini, Zuan Batiste Cavedalis - Une vite esemplâr)
Var. pefel
Cfr. bant
-
ordin dât cun prepotence:
mi ven a sgnacâ un tâl befel, come se jo o fos il so famei! (Josef Marchet, Lis predicjis dal muini)
-
s.m.
(fig.)
discors di critiche par che cdn. si rindi cont e si mendi di une colpe, di une mancjance, di un fal e v.i.:
nol à podût fâ di mancul di no dâi une lavade di cjâf a chel so dipendent, che al ten in chel bon stât i fiers del mistîr. Jù duncje un befel, jù une filade ancje par lui (Giovanni Gortani, Sot consei di vuere);
"Brut vilan! Cumò al sintarà il befel. Ise maniere di compuartâsi?" (Bruno Paolo Pellarini, Comari 'Sese)
Sin. filade
, rafilade
, remenade
, ribufade
, savonade
, strapaçade
, tabacade
, vosade
, sberlade
, zigade
, berghelade
, berlade
, tamesade
, petenade
, cridade
-
s.m.
(fig.)
reazion esagjerade:
al era zût spandût dut il vueli dibot - tor cincuanta litros - e a erin grams la zent di cjasa, par via dal befel che al varès fat il bisnonu (Novella Cantarutti, Se i tu mi voul, tu mi voul)
Sin. scjas2
, davoi
, disio
-
situazion di grande confusion:
epûr ne brame par jenfri il cûr, / striade, / un befel / di pinsîrs o mi sint (Nadia Pauluzzo, Un cîl tombadiç sore li monts);
intal befel gjenerâl [de bataie] une scaie di granate a lu cjapà in plene muse (Gianni Colledani, Il Nin a Napoli)
-
s.m.
(fig.)
cui che si impon cun autoritât o ancje cun prepotence:
ducj i dipendents a àn pôre di lui, al è un befel di om