remenade
/-à-/
re|me|na|de
[CO]
-
s.f.
il movi o il movisi cuntune cierte fuarce:
al voltava la sô musona taronda e roana, viers dal cjampanili, al stralunava i vui, al deva dôs trê remenadis dal sio cjavon (Ovidio Colussi, Chighene)
Sin. menade
, scjassade
Cfr. colp
, bote1
-
s.f.
(coloc.)
at sessuâl:
«Ti ai dade une biele remenade, orsere», al murmure lui tant che al impire la puarte par lâ (Francesca Gregoricchio, La maglute sul sofit)
Sin. taconade
, fotude
-
s.f.
il maltratâ, il dâ jù:
no mi impuartave se davour dal prin mûr mi spietavin par fermâmi e dâmi une remenade. No mi impuartave se mi cjatavi ogni volte, tal scûr de gnot, insanganât tal polvar (Stiefin Morat, Kebar krossè);
al jere un di chei neris rompicoions che a vevin tornât a cjapâ il vizi di passâ pes cjasis […]. Lu parà vie e si premurà di clamâ i carabinîrs, par chê i dessin une biele remenade (Raffaele Serafini, Siops)
Sin. pestade
, frac
, petenade
, rangjade
-
s.f.
il cridâ o il criticâ a fuart:
dopo la remenade di sabide passade, la plui part des fameis di Gargagnà Disore a àn spesseât a cori jù a meti in sest lis lôr sepulturis, a netâlis di polvar, a taponâlis cu lis rosis (Josef Marchet, Lis predicjis dal muini)
Sin. costumade
, cridade
, filade
, paterne
, rafilade
, ramanzine
, ribufade
, vosade
, predicje
, petenade
, befel
, savonade
-
s.f.
il cjoli vie o ancje l'imbroiâ, il fâ passâ par stupit:
i plui birbants [in mascare di Carnevâl] a contavin alc di plui salât e si regolavin secont le fantacine che si cjatavin denant, podeve stâi: compliments, dâ le remenade, tornâ lis malefatis ricevudis vie pal an, fâsi viodi biei par concuistâlis (Vanni Micelli, In mascare);
cheste e je l'enesime remenade pai 54 mil furlans che o vevin domandât une maiôr autonomie ae sede Rai di Udin (Redazion Lenghe.net, Rai in marilenghe. Strassolt al scrîf a Rome)
Sin. cjapade pal cûl
, cjolte pal cûl
, batarele
, sorade
