predicje
/prè-/
pre|di|cje
[AF]
-
s.f.
discors fat dal predi in glesie intant de liturgjie, tant che coment aes leturis e insegnament ai fedêi:
po dopo al saltave fûr don Camilo, il cjaluni, pe predicje, sot il puarti de glesie, che al jere fat sù come un pulpit (Meni Ucel, Otavari a Madone);
in timp di cuaresime, ancje a Udin, come in dutis lis citâts di une cierte impuartance, in domo si tignive tor misdì lis predicjis (Angelo Covazzi, Il cuaresimâl)
Sin. sermon
, omelie
-
s.f.
(fam., fig.)
discors, ancje lunc e pesant, par rimarcâ robis che no van ben e riclamâ a un compuartament coret:
"Mio nono al diseve che no bisugne mai molâ un pont, e tu…" "Oh, no stâ fâmi predicjis." "No son predicjis, e son veretâts, son sentencis, e tu…" (Pieri Somede dai Marcs, Barbane);
a cjase, al veve cjatade Odile vistude di fieste, tal stât di fâi une predicje di chilo e di sfogâ il so marum e la sô rabie (Franca Mainardis, Il sium di Lissandri);
cuant che e viodè che cu la man tremante al tornave a metisi di bevi: "Lasse stâ", i disè, "no par fâti la predicje, ma tu vâs a riscjo di fâ piês…" (Amedeo Giacomini, Tal ospedâl)
Sin. cridade
, paterne
, petenade
, remenade
, salomon
, savonade
, sermon
, tabacade
, verbum caro
, ramanzine
, romanze
, filade
Cfr. befel
-
s.f.
discors o scrit cetant lunc, ripetitîf e retoric:
ogni tant al rivave il diretôr a fânus la predicje. La mestre i deve il puest e lui di là sù al tacave: «Bambini, che domani sarete soldati; bambine, che domani sarete mamme…» (Alan Brusini, Come tai romançs)
Sin. luianie
, menade
, broade
, brût1