menade
/-à-/
me|na|de
[AF]
-
s.f.
at, azion di menâ:
il muini al veve za dât une menade di scraçulon (Pieri Somede dai Marcs, Resurezion a Pontinie);
ancje il gno cjan al è bon cualchi volte di lassâ la bocjade o il vuessut par vignî a fâmi une menade di code (Josef Marchet, Lis predicjis dal muini)
-
s.f.
[TS]
bot., agr.
plante o ramaç te prime fase di disvilup:
i arbui a jerin za rârs, e ator dai çocs lis menadis gnovis a vignivin sù fissis come sterps (Carlo Sgorlon, Prime di sere);
cul britulin al preparave lis archetis pai uciei cun menadis di sanzit e filiduris di cjanaipe (Maria Forte, Il vivi al è chel rangjâsi)
Sin. butade
, sfiol
Cfr. but
, butul
, butule
, cecje2
, impulin
, pivide
, sfiol
, voli
-
complès di ramaçuts e di fueis gnovis:
il poul ogni an al veve dât fûr une magnifiche menade (Luigi Gortani, Il poul malât);
orarès dispedâ duta chista mê granda menada di fueis tant vaiussis (Ugo Pellis, La cjana gargana)
-
s.f.
[TS]
marang.
traspuart des taiis di len su la aghe di un flum e cuantitâts di lens menâts
-
s.f.
desideri, pretese, impuls o at iresonevul e ustinât:
i veve cjapade une altre menade; chê di sei dome jê in confidence cun lôr e, par podê leâ la Ulive dome che a se, le judave in dut (Maria Forte, La tiere di Lansing);
"Che al scjampi siôr plevan, il gno om al è tant rabiôs, no sai parcè; e al è lât a cirî lis tanaiis par gjavâi lis orelis. I je vignude sù une menade che no capìs" (Andreina Nicoloso Ciceri, Lis pernîs - Racconti popolari friulani I)
Sin. tic2
, tîr
-
s.f.
robe false, dite o fate par imbroiâ:
altri che lis menadis de granitiche unitât, la opare di unificazion dal Risorziment, il primât dal popul talian in dut il mont, e lis acuilis e lis lovis (Josef Marchet, Sovranitât nazionâl);
"E devi jessi dute une menade, une polegane di chei… o sai ben jo cui!" (Pieri Piçul, Vieri e gnûf)
Sin. cuviertele
, fente
, gjeromete
, pantomime
, bale
, bufule
, luianie
, bausie1
, sflocje
, flabe
-
s.f.
azion di cjoli vie, di ridi fûr:
plui di chês cuatri menadis e di cualchi cjolte par cûl a carnevâl, nol sucedeve (Roberto Ongaro, Cretevierte);
cualchi volte o ai gust di dâur la menade, dome che dispès a saltin sù e mi tegnin muse dure fin tal indoman (AAVV, Sul florî)
Sin. remenade
, menade ator
, cjolte pal cûl
-
s.f.
maniere di fâ o di lâ indevant, soredut se e je predeterminade, inerziâl, necessarie e v.i.:
al deve di viodi di vê capide la menade dai guviers di îr e di vuê, bogns di visâsi de puare int nome cuant che e servìs par mandâle a murî (Alan Brusini, Alpin jo mame!);
al faseve i siei lavôrs daûr la menade, e al polsave impins come i cjavai, poiât tun mûr, cul cjapiel di sbighet sui voi (Maria Forte, Cjase di Dalban)
Sin. ande
-
s.f.
(spres.)
robe di pocje o nissune impuartance:
viodìn di contâle cence tantis menadis, che jo o soi une anime pratiche (Raffaele Serafini, Contis sot spirt);
no stait a fevelâmi di nostalgjie, o chês menadis li, che i curtii di une volte, plens di cocodecs e di cuacuacuacs, no tornin plui (Walter Tomada, O vin nome un planet, o vin nome un Friûl)
Sin. fufigne
, naine
Proverbis:
- il siôr cuntune menade di pene al guste e al cene
- un siôr cuntune menade di pene al guste e al cene