cartelon /-òn/ car|te|lon [CO]
- s.m. grant sfuei di cjarte o di carton, o in câs ancje di metal, plastiche o altri materiâl, cun informazions, comunicazions, publicitât, imagjins e v.i., che si picje o si ten ben in viste: cuant che i students furlans dal 1965, par vê la universitât furlane, a puartarin ator cartelons che a disevin: «Sveaitsi furlans», a metevin il dêt su la gruse (Francesc Placerean, Cuintristorie dal Friûl dal 1866 fint in dì di vuê)
- s.m. [TS] spet. liste dai spetacui che si fasin tun teatri o tun cine o intune cierte ocasion, tant che une fiere, une mostre e v.i.: e cumò ai vût l'avîs che àn scriturât / pe sagre di vuê vot un operon; / za doman vedarês il cartelon (Pieri Çorut, Il Strolic furlan par l'an 1830); presentât a Migjee il cartelon de rassegne teatrâl "Apontaments cul teatri furlan" (Redazion Lenghe.net, "Apontaments cul teatri furlan" a Migjee)