proporzion
/-òn/
pro|por|zi|on
[AF]
-
s.f.
rapuart di misure jenfri doi o plui elements:
si regjistre un aument di cirche 29 ponts percentuâi, passant dal 39,4% al 68,8%, te proporzion di popolazion che e à une istruzion secondarie (Janez Erat, La istruzion superiôr garantide a gratis e vierte a ducj);
la politiche linguistiche [pal aranês] e à permetût di mantignî la proporzion di feveladôrs e e à fat cressi il lôr numar assolût di plui di mil personis (Xavier Lamuela, Une riflession su lis politichis linguistichis)
Sin. misure
, rapuart
, relazion
-
s.f.
corispondence juste, relazion juste:
lis consecuencis che tu varâs di sopuartâ no varan proporzion cui risultâts che il popul e la nestre int a podaran otignî (Alviero Negro, Int di masnade)
-
s.f.
corispondence armoniche di une part rispiet al dut o di plui parts che a formin un complès:
[l'om vitruvian] al rapresente lis proporzions perfetis dal cuarp uman (Laurin Zuan Nardin, Dree Venier, i Gnognosaurs);
lis proporzions [tes figuris de are di Ratchis] a son alteradis: i braçs a son plui luncs dal cuarp, mans grandis e pîts une vore piçui (Bepi Agostinis, Storie de art in Friûl)
Sin. ecuilibri
, simetrie
-
s.f.
tal pl., estension, grandece:
un rilêf di modestis proporzions dulà che o podìn viodi la Madone cul Frutin (Bepi Agostinis, Storie de art in Friûl)
Sin. estension
, grandece
, impuartance
, pês1
, rilevance
, valôr
-
impuartance, valôr, rilevance:
il stes comissari gjenerâl civîl […] preocupât pes proporzions e pes carateristichis di cheste migrazion, si cjatarà a scugnî mandâ indaûr […] passe 10.000 elements judicâts pericolôs (Carli Pup, La seconde Irlande)
Sin. estension
, grandece
, impuartance
, pês1
, rilevance
, valôr