rapuart
/-àrt/
ra|puart
[FO]
-
s.m.
leam fra dôs o plui robis, personis, elements:
o cjamini tal scûr di bessôl cu la mê malinconie a cirî un sens uman, un rapuart di anime fra cheste maluserie stratignude e chel mont difûr (Dino Virgili, In scolte…);
dome i prins agn al veve sintût un rapuart tra i siei delits e la galere che i vevin dade. Daspò chel rapuart si jere discolorît simpri di plui, fin a sfantâsi cuasi dal dut (Carlo Sgorlon, Prime di sere)
Sin. relazion
, leam
Var. repuart
-
s.m.
[TS]
mat.
cuozient di doi numars o grandecis:
se nô o fasìn il rapuart jenfri numar di iscrits e vôts cjapâts a lis elezions o viodìn come regule che il partît locâl al à un rapuart une vore plui alt (par esempli il SNP di chei agns al veve un rapuart ator dal 50% […]) (Sergio Cecotti, Il risultât eletorâl dai partîts di identitât teritoriâl - A case study: Scottish National Party)
Cfr. reson
, proporzion
-
s.m.
spec. tal pl., mût di vê a ce fâ tra personis, istituzions, nazions e v.i.:
jo cun mê mari o ai un bon rapuart (AAVV, Sul florî);
movisi ogni dì al fâs ben ae salût fisiche e psichiche: […] al incrès la stime di se stes e al jude a disvilupâ rapuarts sociâi (Guglielmo Pitzalis, Metiti in moto!);
chestis trê regjons [Friûl, Carintie e Sclavanie] a varessin prin di dut dibisugne di une cierte libertât di rapuarts e di scambis par podê judâsi tra di lôr (Josef Marchet, Un element fondamentâl dal moviment autonomistic)
Sin. relazion
-
s.m.
relazion sentimentâl:
il lôr al jere un rapuart strac, sfiliât di dutis lis bandis (Franca Mainardis, Il sium di Lissandri)
Sin. relazion
-
at sessuâl:
a son pôcs chei che a cirin ancjemò la estasi religjose intun rapuart di amôr, pal plui si messedin intune estension mecaniche dai rapuarts e par aumentâ il carnet des personis "fatis" (Franc Fari, Il cjâf dai furlans)
-
s.m.
esposizion scrite o verbâl di fats, acjadiments, situazions e v.i.:
dâts preocupants intal ultin rapuart dal Osservatori sociâl e economic su la criminalitât (Redazion il Diari, La sgrife de mafie su la economie dal Nord);
dal rapuart che i fasè l'assistent, Pieri al vignì a savê che si tratave di un contadin. Si veve fat mâl taiant lens cu la see eletriche (Amedeo Giacomini, Tal ospedâl)
Sin. descrizion
, referât
, relazion
, rifierte
, distese
, esposizion
-
s.m.
[TS]
dir.
at di denunzie di un reât de bande di un uficiâl public:
dal rapuart de Polizie al risulte che o sês stâts "gli autori principali promotori ovvero arditi esecutori" dai disordins e des violencis che, in chê dì, a son stâts su la place e dentri il palaç comunâl (Alviero Negro, Int di masnade)
-
s.m.
[TS]
milit.
cunvigne di uficiâi par cjapâ ordins e comunicazions
-
colocui di un subalterni che si presente denant di un superiôr, li che il subalterni al da informazions o al rint cont des sôs azions:
[…] par fâi il rapuart al so comandant del adempiment de la sô incombença (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera);
dopo li primi seris, che Luisut disturbava cui soi sberlons i compagns, che duarmivin tal cjamaron, il caporâl lu veva fat clamâ a rapuart (Ranieri Mario Cossâr, Luisut e il cjalcjut)
