Dizionari de Lenghe Furlane

reson  /-òn/  re|son  [FO]

1. s.f. facoltât inteletive di poni relazions logjichis e ordenadis tra lis ideis:  al jere a mieze strade tra la smanie che lu puartave vie e la reson che lu stratignive a pensâ su lis robis (Alan Brusini, Par stradis lungjis); la «patrie» e je une cuistion di cûr e no di cerviel, di fede e no di reson (Josef Marchet, La man e la arme)
   Sin. cerviel , cjâf , logjiche , ment , pinsîr , razionalitât
   Var. rason , roson²
2. s.f. [TS] filos. in Sant Tomâs, facoltât dal om di argomentâ in oposizion a chê di intuî
   
   1. tal Iluminisim, strument di cognossince che al vuide l'om ancje inte azion, e che, secont Kant, al à la tindince a cirî l'incondizionât di ogni realtât empiriche
   2. in Hegel, la realtât te sô essence plui profonde, il Spirt inte sô vite dialetiche e progressive
3. s.f. (ancje fig.) spec. tal pl., argomentazion logjiche, che si dopre par sapontâ une cierte tesi:  no si mostrà masse convint de cjacarade dal fi e lu invidà a spiegâi miôr lis sôs resons (Tarcisio Venuti, La cjase di Toni); no varès molât par nissune reson di chest mont (Gianni Gregoricchio, Trê feminis); cualis resons podevie tirâ fûr a sô discolpe? (Alan Brusini, Gian Paolo Linda, I forescj)
   Sin. argoment , cantin
4. s.f. fonde e fuarce di un sintiment, di un compuartament, di un fenomen e v.i.:  nissune reson, ni storiche, ni economiche, ni culturâl, ni folcloristiche e valarà tant a tignî vive la personalitât dal popul furlan come la lenghe (Josef Marchet, La fuarce dal nestri lengaç)
   Sin. base , fonde
5. s.f. spec. tal pl., cause o fin di une azion:  lis resons che a àn segnât la fin de iluminazion a gas a son stadis pluitost leadis al pericul di incendi e al incuinament (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât); la prime reson di cheste celebrazion di usgnot e je la setemane di preieris par la unitât dai cristians (Francesc Placerean, Pe unitât di glesie in Friûl)
   Sin. cause , fin³ ipon. , finalitât ipon. , motîf
6. s.f. ce che al è just, vêr, daûr dal dirit:  à dit l'avocat che nol cjate resons te vuestre cjarte (Maria Forte, Mabile la Lunghine)

Polirematichis e espressions idiomatichis

• a reson che loc.coniun.
• dâ reson loc.v.
• dâsi reson loc.v.
• dâsi une reson loc.v.
• vê reson loc.v.

Proverbis:

• cuant che a fevele la fuarce, a tâs la reson
• cuant che no zove la reson, si dopre il baston
• cui che al à bêçs al à reson
• cui che al à plui fuarce al à plui reson
• cui che al à reson al à pôre, cui che al à tuart al spere
• cuintri la fuarce no vâl reson
• la passion e scjafoie ancje la reson
• la reson dai prepotents a sta su la bocje dai canons
• la reson e je une sole
• ni par tuart ni par reson no stâ lassâti meti in preson
• nol baste vê reson, bisugne fâle intindi
• par tuart o par reson al è simpri mâl lâ in preson
• pari e paron a àn simpri reson