vê reson
[FO]
-
loc.v.
jessi intal just e vê ricognossût il fat di jessi intal just, soredut intun contrast jenfri ideis o mûts di fâ diferents:
cumò nol è il câs di tratâ di cui che al veve reson o tuart in chestis barufis tra papis e imperadôrs (Josef Marchet, Cuintristorie dal Friûl fin sot la Italie);
al mi veve dât une multe che propi no mertavi, ma lui al voleve ancjemò vê reson (Jolanda Mazzon, Di là de rêt)
-
loc.v.
jessi intal just tal capî, tal induvinâ, tal previodi e v.i.:
a Catinuta gji ven scuasi paùra di jessi tant contenta. E veva reson [par vie che dopo lis robis a son ladis mâl] (Ugo Pellis, Catinuta)
Sin. fâ ben
-
compuartâsi te maniere juste o intune maniere ben justifcade:
«Viodistu che o vevi reson a no dî nuie a di nissun» (Raffaele Serafini, Soreli jevât a mont)
-
loc.v.
vê un bon motîf:
un implant centralistic e nassût in condizions e funzions diferentis, che vuê no àn reson di esisti (Antoni Beline, Ai furlans pal Friûl)
Components:
Proverbis:
- chei che a vain e àn simpri reson
- cui che al mormore al pense di vê reson
- se no ai reson, a sparagnâ la bocje o pâr plui bon
- se reson no ai, miôr che o sparagni la bocje e che o pai
- se tu vûs vê reson, zighe fuart
- tes causis a vuelin trê robis: vê reson, savêle dî e cjatâ cui che le dedi