Dizionari de Lenghe Furlane

motîf  mo|tîf  [FO]

1. s.m. cause, motivazion che e fâs procedi intune maniere:  un dai motîfs che la Grecie e je ancjemò cirude e visitade al è l'atrat dal so passât che al continue (Adrian Cescje, Viaç aes origjins dal Logos); piçulis compagniis teatrâls che si esibivin plui par divertiment che par motîfs artistics o culturâi (Luca Zoratti, Il teatri par furlan); No si sa ce che Marchi al ves vût cumbinât in Argjentine, li che al jere lât tal 1913 par motîfs di lavôr (Donato Toffoli, Felix Marchi, un soversîf te "Grande Vuere")
   Sin. reson , cause , causion , motivazion , parcè
2. s.m. [TS] mus. element musicâl che si evidenzie tal ritmi e te melodie intune composizion
   
   1. [CO] melodie di un toc musicâl
   2. il toc stes:  [I Donner Trummel] a sunin lis bielis cuarnamusis, lis tablas e i tambûrs, fasint scjadenâ dut il public. Memorabii i lôr motîfs; a fasin ancje une version di Scjaraçule maraçule di Mainerio (Checo Tam, La maree nere)
3. s.m. [CO, TS] art teme fondamentâl intune opare artistiche:  i motîfs che lu ispirin a son il displasê pe infanzie, se ancje puare e il tacament, cuasi morbôs, pal paîs vieri (Erika Adami, Il gno jessi tal mont)
   Sin. cantin , teme²
4. s.m. [CO, TS] art intes arts decorativis, element o schirie di elements ripetûts plui voltis:  figurazions decorativis di plantis, bestiis e diviers motîfs gjeometrics (Giovanni Battauz, Flavio Cossar, Renato Iacumin, I mosaics de basiliche di Aquilee)

Polirematichis e espressions idiomatichis

• a motîf che loc.coniun.
• a motîf di loc.prep.