teme2
/tè-/
te|me
[AF]
-
s.m.
argoment di tratâ intun discors o intun scrit:
cumò che o ai esplicât il sens dal titul, o cîr di frontâ il teme (Sergio Cecotti, Teologjie algjebriche);
il Comitât di coordenament des tendopolis e l'Arci a àn dade dongje une cunvigne culturâl […]. Teme: emigrazion e taramot (Adrian Cescje, Memoriis di politiche linguistiche)
Sin. argoment
, cuistion
, sogjet
-
sogjet, titul di une composizion scolastiche dât dal insegnant
-
prove scolastiche di composizion scrite suntun argoment:
un dai prins compits che [il mestri gnûf] nus à dât al è stât un teme di talian: jo je vevi metude dute e dal sigûr o speravi di vêlu fat ben (Pieri Somede dai Marcs, Un cuatri in italian);
o dîs simpri che no ai compits e dopo e va a finîsi che o soi a fâ un teme a dîs di sere (AAVV, Sul florî)
-
s.m.
sogjet di une opare di art o leterarie:
[in Grande puarte di Hiroshima di Luciano Ceschia] il teme de vuere al ven svilupât in clâf materiche e cuasi astrate (Bepi Agostinis, Storie de art in Friûl);
o podìn fermâsi cumò su la lote dal gjal cuintri de tartarughe, che o cjatìn tal secont compart. Il teme al è chel de lûs che e vinç il scûr (Giovanni Battauz, Flavio Cossar, Renato Iacumin, I mosaics de basiliche di Aquilee)
Sin. materie
, sogjet
-
argoment o element ancje no esplicit, ma ben individuât e che al torne a jessi presint intune o plui oparis leterariis o artistichis:
il teme dai rapuarts amorôs i doi autôrs lu vevin za frontât, ma in chê volte intune maniere plui classiche e plui lineâr, intal lôr precedent e prin film di finzion, 80 egunean (Fabian Ros, Loreak, flôrs e cinise)
Sin. motîf
-
s.m.
[TS]
mus.
motîf ae fonde di un discors melodic
-
toc musicâl che al compagne un ciert personaç o un ambient
-
s.m.
[TS]
ling.
part fisse di une peraule, li che si lee la desinence:
il leme "cjase" contrassegnât cu la etichete "sf" al rispuindeve aes istruzions di gjavâ la desinence -e par vê il teme (Sandri Carrozzo, Franz Feregot, La elaborazion di un corpus etichetât de lenghe furlane scrite: esperiments e prospetivis)
-
s.m.
[TS]
ling.
intune proposizion, ce che si calcole za cognossût de bande dal destinatari dal discors, in oposizion al reme, che al è la informazion gnove pal destinatari