argoment
/-ènt/
ar|go|ment
[BF, CO, FO, TS]
-
s.m.
element che si dopre par poiâ une afermazion:
so pari nol veve argoments in contrari e al veve dite che e lave ben (Agnul di Spere, I prâts des Savodagnis)
Sin. cantin
, reson
-
element cence fonde che si dopre istès par poiâ ce che si dîs o ce che si fâs:
a deventaran ridicui se a ciraran di difindisi cul argoment che lôr il furlan lu san, che se a vuelin a puedin ancje fevelâlu, ma che no son usâts a doprâlu cuant che a fevelin di robis impegnadis (Adrian Cescje, Memoriis di politiche linguistiche)
Sin. pretest
, scuse
, cantin
, rimpin
-
s.m.
ogjet di un discors:
Furlans, in chest paîs no è cjarestie / di argoments pal lunari (Pieri Çorut, Il Strolic furlan par l'an 1847);
frontâ argoments tant che disvilup, incressite, inovazion e vie discorint (Gianfranco Pellegrini, Evelin)
Sin. cantin
, materie
, teme2
, cuistion
, tematiche
-
s.m.
[CO]
reson di peteçâ:
la Ane e jere avonde zovine e fuarte, indulà che Davit al vivuçave miôr che al podeve, cussì malimbletât e olivastri che al pareve che al mangjàs dome salate e lidric e al dave argoment [ae int dal paîs] par criticâle (Maria Forte, La aghe dal Ariul)
-
s.m.
[FÛ]
fuarce, vivôr:
il côr dentri dal pet mi fasê lap, / di pôra che dovent no vignìs int. / Stei cêt, e no sintii nissun dovent / e subit i piai gnôf argoment (Eusebi Stele, Se par vostra bontât vorês scoltâ)
-
s.m.
[BF]
ande supierbeose:
plene di argoment come une regjine, che al someave che dut i puçàs (Maria Forte, La tiere di Lansing)
-
s.m.
[BF]
mût di fâ ardît:
Tonaç al cjalà cun argoment la femine dongje (Maria Forte, Il bal spisimât des ombrenis)
-
s.m.
[TS]
mat.
intes funzions matematichis, insiemi che i si aplichin i operadôrs de funzion stesse
-
s.m.
[TS]
ling., logj.
variabile di un predicjât
-
s.m.
[TS]
stat.
inte statistiche metodologjiche, variabile indipendente che in funzion di chê si manifeste un fenomen cun intensitât o frecuence diviersis