rimpin
/-ìn/
rim|pin
[AF]
-
s.m.
toc di imprest o imprest intîr, soredut di metal, cuntune ponte pleade, che e permet di cjapâ, stratignî, picjâ e v.i.:
ator pai mûrs saran rimpins di fiar, comi chei che son ta becjariis (Ranieri Mario Cossâr, Storia dai trê nerans);
a dopravin lis dalminis cui grifs che a jerin rimpins di fier che a vignivin leâts sot la suele des çuculis par no sbrissâ (Manuela Quaglia, E ven jù che Diu le mande)
Sin. lincin
, ganç
Var. rampin
Cfr. grif
, sgrif
, sgraf
, rampon
, anghîr
, cjan
, rincje
-
s.m.
element o prominence che e permet di cjapâsi:
[il scjaladôr] al cîr un rimpin cul pît, al bat par viodi se al ten, al poie il pês dal cuarp, al môf la man a palpon, al cjate une buine prese, si tire sù (Cristina Noacco, Faliscjis)
Cfr. prese
, poie
, ripoi
-
s.m.
(fig.)
argoment che al pues jessi doprât tant che pretest o tant che scuse:
e pront al cjate fûr il so rimpin / par baratâ cun jê cualchi peraule (Pieri Çorut, Bastian);
siôr Checo nol dineave mai che al veve di paiâlis, ma cul rimpin che al veve di lâ a cjoli i bêçs in bancje, ur prometeve simpri pal indoman (Alviero Negro, La plui grande fature)
Sin. pretest
, scuse
, cavîl
Cfr. ocasion
, oportunitât
-
ce che al pues jessi doprât o considerât tant che cause, origjin
Sin. pretest
, scuse
, ocasion
, oportunitât
-
s.m.
(fig.)
mieç, capacitât di frontâ une situazion o di fâ alc cun snait, caratar, inteligjence:
il so om al jere un baban, un om cence rimpins e di lui no podeve fâ stât (Maria Forte, Mabile la Lunghine)
-
s.m.
(fig.)
conversazion fastidiose, di li che al è dificil liberâsi:
se a i zeva dongja a tacâ rampins o a comandâi alc, […] il vecju, bel sfregalantsi cu la man la barbita speloca, al cjapava sù e al zeva four (Novella Cantarutti, Il spiçot)
-
s.m.
(fig.)
imbroi, ingjan
Sin. vuaite
, vuate
Proverbis:
- a son plui rimpins che no staderiis