vuaite
/-à-/
vuai|te
[AF]
-
s.f.
il stâ fer in spiete dal salvadi o de prede e il puest li che un cjaçadôr al spiete il salvadi o li che un predadôr al spiete la prede:
al spiçà i voi come un ucielat in vuaite (Dino Virgili, La aghe da pît la cleve);
i grant boscs che a i dismovevin tal pinseir il gust seneous da li ori di cjaça, li vuaiti, i trims dal salvadi socorât, li bracadi dai cjans (Novella Cantarutti, Il sâr Menon)
Sin. paisse
-
s.f.
in vueris, assalts armâts o sim., il stâ in spiete intun puest favorevul, cence che il nemì si visi, par assaltâlu dal improvîs e l'assalt fat dal improvîs:
i partesans sclâfs a fasevin lis lôr vuaitis e ai soldâts talians ur tocjave di cori dute la gnot pes monts e tornâ dongje (Roberto Ongaro, Il muc);
dopo un an e mieç di rifis, di vuaitis e di maçadicis […] e rivà finalmentri la liberazion (Alan Brusini, Alpin jo mame!)
Sin. imboscade
-
ancje in azions di polizie o sim., il cirî di cjapâ cdn. cence che sal spieti, dal improvîs, sielzint il moment just cuant che al à mancul pussibilitât di difindisi o di scjampâ:
ogni tiarce dì si sintive che vevin cjapât dai presonîrs ca o là… che ur fasevin la vuaite (Ercole Carletti, Mariute);
come laris di gjalinis che, par cjapâju, si fasiur la vuaite (Alan Brusini, Alpin jo mame!)
-
s.f.
(fig.)
il cirî di cjatâ cdn.:
[stant che al jere inamorât] al tacà a vistîsi da fiesta ducj i dîs e a fâ la vuaita a la agna Cuesima denant la puarta di cjasa e par ducj i cjantons dulà che al pensava da podê cjatâla (Novella Cantarutti, La passion di Donât Ramaç)
-
s.f.
cundizion, stât di cui che al sta atent di un pussibil pericul:
di chei [politics ambiziôs] si à di vuardâsi e di parâsi; e par cont nestri o stin in vuaite (Josef Marchet, Sturm und Drang);
il so istint di femine, di mari, le tignive simpri in vuaite, simpri impiade come une cjandele tal scûr (Pieri Menis, Chei di Muraie)
Sin. avîs
, alarme
, paisse
, vuardie
-
s.f.
azion di vigjilance di un militâr o sim., che al à di tignî controlât un puest:
nus puartavin fûr cu la autoblinde e nus metevin inalgò, su la mont o sul Lusinç, in vuaite, dute la gnot (Alan Brusini, I ribei)
Sin. vuardie
-
militâr o sim. che al ten controlât un puest:
la vuaita, stant disora da la garita, à vertît di vierzi il porton encjamò cuant che la compagnia dai cuatri cjars a era encjamò distanta da la caserma (Ovidio Colussi, Il pilustrât);
tal puest dal frenadôr a jerin vuaitis todescjis armadis (Silvano Patriarca, Cemût dismenteâ?)
Sin. vuardie
, sentinele
-
puest o ancje costruzion li che chel militâr al fâs la sô funzion