Dizionari de Lenghe Furlane

poie  /-ò-/  po|ie  [AF]

1. s.f. il poiâ, il meti jù:  i sgjâfs e la poie dal materiâl a vegnin gjestîts virtualmentri di un program informatic e materialmentri de manoalance (Raffaele Serafini, Contis sot spirt)
   
   1. il poiâsi, il poiâ il propri pês o un pês che si puarte intor:  a bastava na poa par tirâ flât, a mieza Creta, sul murut sot dal cocalâr, indulà che al compariva il gorc di Grimau (Novella Cantarutti, Il gorc di Grimau)
2. s.f. pont li che alc o cdn. al met il so pês o part dal so pês, ce che al fâs di supuart, che al ten sù:  "Puartait une poie al Rubul, che nol rive adore di tignî sù chel modon Di vuardi che i coli suntun pît!" (Dino Virgili, La aghe da pît la cleve)
   Sin. base , soponte , supuart , sostegn , ripoi
   Cfr. armadure , çucul¹ , fonde , pecol , pedestal , pidignûl , ponte
3. s.f. (fig.) ce che al jude o al permet di stâ sù a alc di imateriâl, ce che al ten sù cdn. o alc di un pont di viste morâl, psicologjic, inteletuâl, professionâl, economic, politic e v.i.:  la idee e je chê di cjatâ une propueste comune prin cu lis sociis che mi somein plui disponibilis, cu la poie dal Mf e di Democrazie Proletarie dal Friûl (Adrian Cescje, Memoriis di politiche linguistiche); la iniziative de Filologjiche e à vût la poie dal president de Republiche (Antonella Lanfrit, Cemût che e sune la Costituzion taliane par furlan)
   Sin. supuart , soponte , jutori , base , prudêl , sostegn , ripoi , aiût , ausili
   Cfr. rimpin