çucul1
/çù-/
çu|cul
[AF]
-
s.m.
part terminâl de çate di cierts animâi, tant che cjavai, vacjis e v.i., formade de ongule, ugnule o zimule, gruesse e dure:
no jere une biele gnot, al pensà Dolfo lant fûr dal paîs. Si sintivin dome i çucui dal so cjaval e il soflâ dal vint tai lens (Raffaele Serafini, Altris contis di famee)
Sin. ongule
Var. çocul
-
s.m.
cjalçadure di len o cu la suele di len, par vieri tipiche dai contadins, vuê doprade soredut di Istât o in cjase o, fate ancje di altris materiâi, di ciertis categoriis di lavoradôrs:
la strache e pese sui vues. I pîts macolâts a dulin tai çucui (Ivano Urli, Storie di Vera);
cussì disintji e butà fûr i çucui, e sù a volop pe scjale a preparâ di durmî (Catarine Percude, La fuiace de Madone)
Sin. çucule
Cfr. çupiel
, galoce
, mulot
, plossigne
, dalmine
-
s.m.
[TS]
arch., edil.
part basse di un edifici, di un monument e v.i., che e covente par tignî sù:
la statue di Sant Antoni Abât e domine […] dal alt dal so preziôs çucul, cun pipins, cherubins, e il cjâf di un purcit atribût dal sant (Bepi Agostinis, Storie de art in Friûl)
Sin. pedestal
, rialç
-
s.m.
[TS]
edil.
fasse basse di un mûr
Sin. abassament
, basament
Proverbis:
- al è miôr lâ a durmî cui çucui che no lâ discolçs a palâ nêf